Maadili ya kitaifa na kanuni za utawala

Kiswahili

(1)Maadili ya kitaifa na kanuni za utawala katika Kifungu hiki ni lazima yafuatwe na idara zote za Serikali, maafisa wote wa Serikali, maafisa wa umma na watu wote kila wakati––

(a)wanapotekeleza au kufasiri Katiba hii;

(b)wanapopitisha, tekeleza au kufasiri sheria yoyote; au

(c)wanapotunga, au kutekeleza maamuzi kuhusu sera za umma.

(2)Maadili ya kitaifa na kanuni za utawala zinajumuisha––

(a)uzalendo, umoja wa kitaifa, kushirikiana na ugatuzi wa mamlaka, utawala wa sheria, demokrasia na kushiriki kwa watu;

(b)heshima kwa binadamu, usawa, haki za jamii, kushirikishwa, haki za binadamu, kutobaguliwa na kulindwa kwa jamii za watu waliotengwa;

(c)utawala mwema, uadilifu, uwazi na uwajibikaji; na

(d)maendeleo endelevu.

English

National values and principles of governance

(1)The national values and principles of governance in this Article bind all State organs, State officers, public officers and all persons whenever any of them—

(a)applies or interprets this Constitution;

(b)enacts, applies or interprets any law; or

(c)makes or implements public policy decisions.

(2)The national values and principles of governance include—

(a)patriotism, national unity, sharing and devolution of power, the rule of law, democracy and participation of the people;

(b)human dignity, equity, social justice, inclusiveness, equality, human rights, non-discrimination and protection of the marginalised;

(c)good governance, integrity, transparency and accountability; and

(d)sustainable development.