Katiba ya Kenya, 2010

Sura ya Tisa · Kitengo cha Serikali cha Utendaji

Kifungu cha 133

Kif.133

Mamlaka ya Kuwasamehe Waliohukumiwa

Kiswahili

(1)Kwa ombi la mtu yeyote, Rais anaweza kutekeleza mamlaka yake ya msamaha kwa mujibu wa ushauri wa Kamati ya Ushauri iliyoundwa chini ya ibara ya (2), kwa—

(a)kumsamehe kabisa au kwa masharti mtu ambaye amepatikana na hatia;

(b)kuahirisha utekelezaji wa adhabu iliyotolewa kwa muda uliowekwa au kwa muda usiojulikana;

(c)kubadili adhabu kwa kiwango kisichokuwa na ukali sana; au

(d)kuondoa adhabu yote au sehemu ya adhabu hiyo.

(2)kutakuwepo Kamati ya Ushauri kuhusu Mamlaka ya Msamaha wa Rais, itakayojumuisha—

(a)Mwanasheria Mkuu;

(b)Waziri anayehusika na huduma za urekebishaji; na

(c)angalau watu wengine watano kama ilivyoagizwa na Sheria ya Bunge, lakini wasiwe maafisa wa Serikali au katika huduma ya umma.

(3)Bunge litatunga sheria ili kutoa mwongozo kuhusu—

(a)muda wa kuhudumu kwa wanachama wa Kamati ya Ushauri;

(b)taratibu za Kamati ya Ushauri; na

(c)vigezo ambavyo vitatumiwa na Kamati ya Ushauri katika kufanya ushauri wake.

(4)Kamati ya Ushauri inaweza kuzingatia maoni ya waathiriwa wa hatia iliyotendwa wanapompendekezea Rais kuhusu msamaha wa hatia hiyo.

English

Power of mercy

(1)On the petition of any person, the President may exercise a power of mercy in accordance with the advice of the Advisory Committee established under clause (2), by—

(a)granting a free or conditional pardon to a person convicted of an offence;

(b)postponing the carrying out of a punishment, either for a specified or indefinite period;

(c)substituting a less severe form of punishment; or

(d)remitting all or part of a punishment.

(2)There shall be an Advisory Committee on the Power of Mercy, comprising—

(a)the Attorney-General;

(b)the Cabinet Secretary responsible for correctional services; and

(c)at least five other members as prescribed by an Act of Parliament, none of whom may be a State officer or in public service.

(3)Parliament shall enact legislation to provide for—

(a)the tenure of the members of the Advisory Committee;

(b)the procedure of the Advisory Committee; and

(c)criteria that shall be applied by the Advisory Committee in formulating its advice.

(4)The Advisory Committee may take into account the views of the victims of the offence in respect of which it is considering making recommendations to the President.

Isome ndani ya Sura ya Tisa →

Maandishi: Tafsiri ya Kiswahili ya Katiba ya Kenya, 2010, iliyochapishwa na Uraia kwa kutumia chapisho la Halmashauri ya Kitaifa ya Kuripoti Maswala ya Sheria (27 Agosti 2010). Ikiwa kuna utata wowote kuhusu tafsiri, nakala ya Kiingereza ndiyo rasmi.

Huu ni msaada wa kusoma, si ushauri wa kisheria. Kwa swali la kisheria, ongea na wakili. Umeona kosa? Ripoti marekebisho