Maadili na kanuni katika huduma kwa umma

Kiswahili

(1)Maadili na kanuni za huduma kwa umma zinajumuisha—

(a)viwango vya juu vya maadili ya kitaaluma;

(b)matumizi ya rasilimali kwa njia bora, ya kiuchumi na yenye ufanisi;

(c)utoaji huduma kwa njia inayokabiliana na hitaji, kwa haraka, kwa njia yenye ufanisi na usiokuwa na mapendeleo;

(d)kushirikishwa kwa wananchi katika mchakato wa kutengeneza sera;

(e)uwajibikaji katika hatua za kiutawala;

(f)uwazi na utoaji wa maelezo yaliyo sahihi na kwa wakati ufaao kwa umma;

(g)kwa kuzingatia aya za (h) na (i), ushindani wenye usawa na ustahiki kuwa misingi ya kuteuliwa na kupandishwa cheo;

(h)uwakilishi wa jamii tofauti za Kenya; na

(i)

(i)kutoa nafasi za kutosha na zenye usawa katika kuteua, kutoa mafunzo na kupandishwa vyeo katika ngazi zote za huduma kwa umma, kwa––

(ii)wanaume na wanawake;

(iii)watu wa jamii zote; na

(iv)watu wenye ulemavu.

(2)Maadili na kanuni za huduma za umma zinatumika kwa huduma za umma katika—

(a)vitengo vyote vya Serikali katika viwango vyote viwili vya serikali; na

(b)mashirika yote ya Serikali.

(3)Bunge litatunga sheria ili kuwezesha utekelezaji wa Kifungu hiki kikamilifu.

English

Values and principles of public service

(1)The values and principles of public service include—

(a)high standards of professional ethics;

(b)efficient, effective and economic use of resources;

(c)responsive, prompt, effective, impartial and equitable provision of services;

(d)involvement of the people in the process of policy making;

(e)accountability for administrative acts;

(f)transparency and provision to the public of timely, accurate information;

(g)subject to paragraphs (h) and (i), fair competition and merit as the basis of appointments and promotions;

(h)representation of Kenya’s diverse communities; and

(i)affording adequate and equal opportunities for appointment, training and advancement, at all levels of the public service, of—

(i)men and women;

(ii)the members of all ethnic groups; and

(iii)persons with disabilities.

(2)The values and principles of public service apply to public service in—

(a)all State organs in both levels of government; and

(b)all State corporations.

(3)Parliament shall enact legislation to give full effect to this Article.