Katiba ya Kenya, 2010

Sura ya Kumi · Kitengo cha Serikali Kinachosimamia Mahakama

Kifungu cha 159

Kif.159

Mamlaka ya mahakama

Kiswahili

(1)Mamlaka ya Mahakama yametolewa na wananchi na yatatekelezwa na mahakama na taasisi zilizo na mamlaka ya mahakama zilizobuniwa chini ya Katiba hii.

(2)Katika kutekeleza mamlaka ya mahakama, mahakama na taasisi zilizo na mamlaka ya mahakama zitaongozwa na kanuni zifuatazo—

(a)haki itatendewa wote, bila kuzingatia hadhi;

(b)utekelezaji wa haki hautacheleweshwa;

(c)njia mbadala za kusuluhisha kesi, ikijumuisha upatanishi, mashauriano, maridhiano na njia za kitamaduni za kusuluhisha mizozo zitakuzwa, lakini kulingana na ibara ya (3);

(d)haki itatekelezwa bila kuzingatia kwa uzito changamoto za kiutaratibu; na

(e)lengo na kanuni za Katiba hii zitalindwa na kukuzwa.

(3)Mbinu za kitamaduni za kusuluhisha mizozo hazitatumiwa kwa njia ambayo—

(a)inakiuka Sheria za Haki;

(b)Haikubaliki kimaadili na katika haki au inayosababisha matokeo ambayo sio ya haki au yasiyokubalika kimaadili;

(c)haiambatani na Katiba hii au na sheria yoyote iliyoandikwa.

English

Judicial authority

(1)Judicial authority is derived from the people and vests in, and shall be exercised by, the courts and tribunals established by or under this Constitution.

(2)In exercising judicial authority, the courts and tribunals shall be guided by the following principles—

(a)justice shall be done to all, irrespective of status;

(b)justice shall not be delayed;

(c)alternative forms of dispute resolution including reconciliation, mediation, arbitration and traditional dispute resolution mechanisms shall be promoted, subject to clause (3);

(d)justice shall be administered without undue regard to procedural technicalities; and

(e)the purpose and principles of this Constitution shall be protected and promoted.

(3)Traditional dispute resolution mechanisms shall not be used in a way that—

(a)contravenes the Bill of Rights;

(b)is repugnant to justice and morality or results in outcomes that are repugnant to justice or morality; or

(c)is inconsistent with this Constitution or any written law.

Isome ndani ya Sura ya Kumi →

Maandishi: Tafsiri ya Kiswahili ya Katiba ya Kenya, 2010, iliyochapishwa na Uraia kwa kutumia chapisho la Halmashauri ya Kitaifa ya Kuripoti Maswala ya Sheria (27 Agosti 2010). Ikiwa kuna utata wowote kuhusu tafsiri, nakala ya Kiingereza ndiyo rasmi.

Huu ni msaada wa kusoma, si ushauri wa kisheria. Kwa swali la kisheria, ongea na wakili. Umeona kosa? Ripoti marekebisho