Hazina ya Usawazishaji

Kiswahili

(1)Imebuniwa Hazina ya Usawazishaji ambayo itachukua asilimia ya nusu moja ya mapato yote yatakayokusanywa na serikali ya kitaifa katika kila mwaka, mapato hayo yakihesabiwa kwenye msingi wa akaunti zilizokaguliwa hivi majuzi kuhusu mapato yaliyokusanywa, kama ilivyoidhinishwa na Bunge la Kitaifa.

(2)Serikali ya kitaifa itatumia Hazina ya Usawazishaji kutoa huduma za kimsingi tu ikijumuisha maji, barabara, matibabu na nguvu za umeme katika maeneo yaliyotengwa kwa kiwango kitakachoboresha huduma hizo katika maeneo hayo ili ziwe sawa na viwango vya huduma vinavyotolewa katika maeneo mengine nchini, kama iwezekanavyo.

(3)Serikali ya kitaifa inaweza kutumia Hazina ya Usawazishaji––

(a)kwa kiasi tu ambacho matumizi ya fedha za hazina hiyo yameidhinishwa tu katika Mswada wa Matumizi ya Fedha uliopitishwa na Bunge; na

(b)kwa njia ya moja kwa moja au vinginevyo kupitia kwa ruzuku zilizo na kwa kaunti ambazo zina jamii zilizotengwa.

(4)Ushauri wa Tume ya Ugavi wa Mapato utatafutwa na mapendekezo yake kuzingatiwa kabla ya Bunge kupitisha Mswada wowote unaoidhinisha matumizi ya fedha kutoka kwenye Hazina ya Usawazishaji.

(5)Fedha zozote katika Hazina ya Usawazishaji ambazo hazitakuwa zimetumiwa kufikia mwisho wa mwaka wa kifedha, zitasalia katika Hazina hiyo kwa matumizi kulingana na ibara ya (2) na (3) katika mwaka wa fedha utakaofuata.

(6)Kutekelezwa kwa Kifungu hiki kutamalizika miaka ishirini baada ya tarehe ya kuanza kutekelezwa kwa Katiba hii, lakini kwa kuzingatia ibara ya (7).

(7)Bunge linaweza kupitisha sheria itakayositisha utekelezaji wa ibara ya (6) kwa kipindi cha ziada cha miaka iliyowekwa, lakini kwa kuzingatia ibara ya (8).

(8)Sheria chini ya ibara ya (7) itaungwa na zaidi ya nusu ya wabunge wote katika Bunge la Kitaifa, na zaidi ya nusu ya wajumbe wote wa kaunti katika Seneti.

(9)Fedha hazitaondolewa katika Hazina ya Usawazishaji isipokuwa Msimamizi wa Bajeti awe ameidhinisha kuondolewa huko.

English

Equalisation Fund

(1)There is established an Equalisation Fund into which shall be paid one half per cent of all the revenue collected by the national government each year calculated on the basis of the most recent audited accounts of revenue received, as approved by the National Assembly.

(2)The national government shall use the Equalisation Fund only to provide basic services including water, roads, health facilities and electricity to marginalised areas to the extent necessary to bring the quality of those services in those areas to the level generally enjoyed by the rest of the nation, so far as possible.

(3)The national government may use the Equalisation Fund—

(a)only to the extent that the expenditure of those funds has been approved in an Appropriation Bill enacted by Parliament; and

(b)either directly, or indirectly through conditional grants to counties in which marginalised communities exist.

(4)The Commission on Revenue Allocation shall be consulted and its recommendations considered before Parliament passes any Bill appropriating money out of the Equalisation Fund.

(5)Any unexpended money in the Equalisation Fund at the end of a particular financial year shall remain in that Fund for use in accordance with clauses (2) and (3) during any subsequent financial year.

(6)This Article lapses twenty years after the effective date, subject to clause (7).

(7)Parliament may enact legislation suspending the effect of clause (6) for a further fixed period of years, subject to clause (8).

(8)Legislation under clause (7) shall be supported by more than half of all the members of the National Assembly, and more than half of all the county delegations in the Senate.

(9)Money shall not be withdrawn from the Equalisation Fund unless the Controller of Budget has approved the withdrawal.