Tume ya Ugavi wa Mapato

(1)Tume ya Ugavi wa Mapato imebuniwa.

(2)Tume hii itajumuisha watu wafuatao watakaoteuliwa na Rais—

(a)mwenyekiti, atakayeteuliwa na Rais na kuidhinishwa na Bunge la Kitaifa;

(b)watu wawili watakaoteuliwa na vyama vya kisiasa vinavyowakilishwa katika Bunge la Kitaifa kulingana na idadi ya wabunge katika vyama hivyo walio bungeni;

(c)watu watano watakaoteuliwa na vyama vya kisiasa vinavyowakilishwa katika seneti kulingana na idadi ya maseneta wa vyama hivyo walio katika Seneti; na

(d)Katibu Mkuu katika Wizara inayosimamia fedha.

(3)Watu watakaoteuliwa kwa mujibu wa ibara ya (2) hawatakuwa wanachama wa Bunge.

(4)Ili kuhitimu kuwa mwanachama wa Tume hii chini ya ibara ya (2) (a), (b) au (c), lazima mtu awe na uzoefu mpana wa kitaaluma katika masuala ya kifedha na uchumi.