Katiba ya Kenya, 2010

Sura ya Nne · Sheria za Haki

Kifungu cha 27

Kif.27

Usawa na uhuru kutokana na ubaguzi

Kiswahili

(1)Kila mtu ni sawa mbele ya sheria, na ana haki ya kulindwa na kupata manufaa sawa ya sheria.

(2)Usawa unajumuisha kufurahia haki zote na uhuru wote wa kimsingi kikamilifu na kwa usawa.

(3)Wanawake na wanaume wana haki ya kuchukuliwa kwa usawa ikijumuisha haki ya kupata nafasi sawa katika nyanja za kisiasa, kiuchumi, kitamaduni na kijamii.

(4)Serikali haitabagua mtu yeyote kwa njia ya moja kwa moja au vinginevyo kwenye misingi yoyote ikijumuisha asili, jinsia, ujauzito, hali ya mtu kindoa, hali ya kiafya, asili ya kikabila au kijamii, rangi, umri, ulemavu, dini, dhamira, imani, utamaduni, mavazi, lugha au kuzaliwa.

(5)Mtu hatambagua mtu mwingine kwa njia ya moja kwa moja au vinginevyo kwenye misingi iliyotajwa au kuelezewa katika ibara ya (4).

(6)Ili kuwezesha utekelezaji kamili wa haki zilizohakikishwa chini ya Kifungu hiki, Serikali itachukua hatua za kisheria na nyinginezo, ikijumuisha programu na sera za vitendo sawazishi ambazo zimebuniwa ili kusawazisha upungufu wowote uliowaathiri watu binafsi au vikundi vya watu kwa sababu ya ubaguzi wa hapo awali.

(7)Hatua yoyote inayochukuliwa chini ya ibara ya (6) itazingatia kikamilifu ili manufaa yoyote yawe kwenye msingi wa hitaji la kweli.

(8)Zaidi ya hatua zinazokusudiwa katika sehemu ya (6), Serikali itachukua hatua za kisheria na nyinginezo ili kutekeleza kanuni inayohitaji kwamba idadi ya watu waliochaguliwa au kuteuliwa katika mashirika yanayoteua au ambayo yanahitaji watu kuchaguliwa haitakuwa na idadi ya jinsia moja inayozidi thuluthi mbili.

English

Equality and freedom from discrimination

(1)Every person is equal before the law and has the right to equal protection and equal benefit of the law.

(2)Equality includes the full and equal enjoyment of all rights and fundamental freedoms.

(3)Women and men have the right to equal treatment, including the right to equal opportunities in political, economic, cultural and social spheres.

(4)The State shall not discriminate directly or indirectly against any person on any ground, including race, sex, pregnancy, marital status, health status, ethnic or social origin, colour, age, disability, religion, conscience, belief, culture, dress, language or birth.

(5)A person shall not discriminate directly or indirectly against another person on any of the grounds specified or contemplated in clause (4).

(6)To give full effect to the realisation of the rights guaranteed under this Article, the State shall take legislative and other measures, including affirmative action programmes and policies designed to redress any disadvantage suffered by individuals or groups because of past discrimination.

(7)Any measure taken under clause (6) shall adequately provide for any benefits to be on the basis of genuine need.

(8)In addition to the measures contemplated in clause (6), the State shall take legislative and other measures to implement the principle that not more than two-thirds of the members of elective or appointive bodies shall be of the same gender.

Isome ndani ya Sura ya Nne →

Maandishi: Tafsiri ya Kiswahili ya Katiba ya Kenya, 2010, iliyochapishwa na Uraia kwa kutumia chapisho la Halmashauri ya Kitaifa ya Kuripoti Maswala ya Sheria (27 Agosti 2010). Ikiwa kuna utata wowote kuhusu tafsiri, nakala ya Kiingereza ndiyo rasmi.

Huu ni msaada wa kusoma, si ushauri wa kisheria. Kwa swali la kisheria, ongea na wakili. Umeona kosa? Ripoti marekebisho