Tume Huru ya Uchaguzi na Mipaka

Kiswahili

(1)Tume Huru ya Uchaguzi na Mipaka Imeundwa.

(2)Mtu hastahiki kuteuliwa kama mwanachama wa Tume ikiwa mtu huyo—

(a)ndani ya miaka mitano iliyopita, amehudumu au kugombea kiti kama—

(i)mbunge katika Bunge la Kitaifa au mwakilishi wadi katika bunge la kaunti; au

(ii)mwanachama katika idara ya uongozi wa chama cha kisiasa; au

(b)anahudumu katika ofisi yoyote ya Serikali.

(3)Mwanachama wa Tume hatahudumu katika ofisi nyingine ya umma.

(4)Tume ina wajibu wa kuendesha na kusimamia kura za maamuzi na uchaguzi katika shirika lolote ambalo wanachama wake wanachaguliwa au katika ofisi chini ya Katiba hii, na uchaguzi mwingine wowote kama ilivyoagizwa katika Sheria ya Bunge, na katika—

(a)usajili unaoendelea wa raia kama wapiga kura;

(b)ukaguzi wa mara kwa mara wa sajili ya wapiga kura;

(c)uwekaji mipaka katika maeneo bunge na wadi;

(d)kudhibiti mchakato ambao vyama hutumia katika kuteua wagombea wa uchaguzi;

(e)kusuluhisha mizozo ya uchaguzi, ikijumuisha mizozo inayohusiana au kutokana na uteuzi lakini isiyohusisha malalamishi kuhusu uchaguzi na mizozo inayotokana na kutangazwa kwa matokeo ya uchaguzi;

(f)usajili wa wagombea wa uchaguzi;

(g)elimu kwa wapiga kura;

(h)kuwezesha uchunguzi, usimamizi na tathmini ya uchaguzi;

(i)udhibiti wa kiwango cha fedha kinachoweza kutumiwa na mgombea au kwa niaba yake, au na chama katika uchaguzi wowote;

(j)uundaji wa kanuni za uchaguzi kwa wagombea na vyama vinavyogombea katika uchaguzi; na

(k)ufuatiliaji kuhusu ufuataji wa sheria inavyohitajika chini ya Kifungu cha 82 (1) (b) kuhusiana na uteuzi wa wagombea katika vyama.

(5)Tume itatumia mamlaka yake kutekeleza majukumu yake kulingana na Katiba hii na sheria ya kitaifa.

English

Independent Electoral and Boundaries Commission

(1)There is established the Independent Electoral and Boundaries Commission.

(2)A person is not eligible for appointment as a member of the Commission if the person—

(a)has, at any time within the preceding five years, held office, or stood for election as—

(i)a member of Parliament or of a county assembly; or

(ii)a member of the governing body of a political party; or

(b)holds any State office.

(3)A member of the Commission shall not hold another public office.

(4)The Commission is responsible for conducting or supervising referenda and elections to any elective body or office established by this Constitution, and any other elections as prescribed by an Act of Parliament and, in particular, for—

(a)the continuous registration of citizens as voters;

(b)the regular revision of the voters’ roll;

(c)the delimitation of constituencies and wards;

(d)the regulation of the process by which parties nominate candidates for elections;

(e)the settlement of electoral disputes, including disputes relating to or arising from nominations but excluding election petitions and disputes subsequent to the declaration of election results;

(f)the registration of candidates for election;

(g)voter education;

(h)the facilitation of the observation, monitoring and evaluation of elections;

(i)the regulation of the amount of money that may be spent by or on behalf of a candidate or party in respect of any election;

(j)the development of a code of conduct for candidates and parties contesting elections; and

(k)the monitoring of compliance with the legislation required by Article 82 (1) (b) relating to nomination of candidates by parties.

(5)The Commission shall exercise its powers and perform its functions in accordance with this Constitution and national legislation.