Katiba ya Kenya, 2010

Sura ya Kumi na Moja

Serikali ya Ugatuzi

Kaunti 47, magavana wake na mabunge ya kaunti.

Vifungu 174–200 · vifungu 27

Sehemu 1Malengo na Kanuni za Serikali ya Ugatuzi

Kif.174

Malengo ya ugatuzi

Kiswahili

(1)Malengo ya serikali ya ugatuzi ni—

(a)kukuza utekelezaji wa mamlaka kwa njia ya kidemokrasia na kwa uwajibikaji;

(b)kukuza umoja wa kitaifa kwa kutambua utofauti ulioko;

(c)kuwapa wananchi mamlaka ya kujitawala na kuboresha ushiriki wa wananchi katika utekelezaji wa mamlaka ya Serikali na katika kufanya maamuzi yanayowaathiri;

(d)kutambua haki za jamii katika kusimamia masuala ya jamii hizo na katika kuboresha maendeleo yao;

(e)kulinda na kukuza maslahi na haki za watu walio wachache na jamii zilizotengwa;;

(f)Kukuza maendeleo ya kijamii na ya kiuchumi, na utoaji wa huduma zilizo karibu na zinazofikiwa kwa urahisi nchini Kenya;

(g)kuhakikisha kuna ugavi wenye usawa wa rasilimali zote za kijamii na za kitaifa kote nchini;

(h)kuwezesha ugatuzi wa vitengo vya Serikali, majukumu na huduma zao kutoka jiji kuu la Kenya; na kuboresha uwajibikaji na ugavi wa mamlaka.

English

Objects of devolution

The objects of the devolution of government are—

(a)to promote democratic and accountable exercise of power;

(b)to foster national unity by recognising diversity;

(c)to give powers of self-governance to the people and enhance the participation of the people in the exercise of the powers of the State and in making decisions affecting them;

(d)to recognise the right of communities to manage their own affairs and to further their development;

(e)to protect and promote the interests and rights of minorities and marginalised communities;

(f)to promote social and economic development and the provision of proximate, easily accessible services throughout Kenya;

(g)to ensure equitable sharing of national and local resources throughout Kenya;

(h)to facilitate the decentralisation of State organs, their functions and services, from the capital of Kenya; and

(i)to enhance checks and balances and the separation of powers.

Kif.175

Kanuni za serikali ya ugatuzi

Kiswahili

(1)Serikali za kaunti zilizobuniwa chini ya Katiba hii zitazingatia kanuni zifuatazo––

(a)serikali za kaunti zitazingatia kanuni za kidemokrasia na ugawaji wa mamlaka;

(b)serikali za kaunti zitakuwa na njia zinazoweza kutegemewa katika uzalishaji wa mapato ili kuziwezesha kutawala na kutoa huduma kwa njia bora; na

(c)katika uanachama wa idara wakilishi katika kila serikali ya kaunti, idadi ya wanachama wa jinsia moja haitazidi thuluthi mbili ya wanachama wote.

English

Principles of devolved government

County governments established under this Constitution shall reflect the following principles—

(a)county governments shall be based on democratic principles and the separation of powers;

(b)county governments shall have reliable sources of revenue to enable them to govern and deliver services effectively; and

(c)no more than two-thirds of the members of representative bodies in each county government shall be of the same gender.

Sehemu 2Serikali za Kaunti

Kif.176

Serikali za kaunti

Kiswahili

(1)Kila kaunti itakuwa na serikali yake ya kaunti, itakayokuwa na bunge la kaunti na kitengo kinachosimamia utendaji katika kaunti.

(2)Kila serikali ya kaunti itagatua majukumu yake na utoaji wa huduma zake kwa kiwango kinachowezekana na ambacho kinaleta ufanisi.

English

County governments

(1)There shall be a county government for each county, consisting of a county assembly and a county executive.

(2)Every county government shall decentralise its functions and the provision of its services to the extent that it is efficient and practicable to do so.

Kif.177

Uanachama katika bunge la kaunti

Kiswahili

(1)(1) Bunge la kaunti linajumuisha—

(a)wanachama waliochaguliwa na wapiga kura waliosajiliwa katika wadi, uchaguzi huo ukifanyika siku ile ile ya uchaguzi mkuu wa wabunge, ambayo ni Jumanne ya pili ya mwezi Agosti baada ya kila miaka mitano na kila wadi ikijumuisha eneo la kuwakilishwa na mwanachama mmoja;

(b)idadi ya wabunge maalum inayohitajika ili kuhakikisha kwamba hakuna zaidi ya wabunge thuluthi mbili wa jinsia moja katika bunge hilo;

(c)idadi ya wanachama kutoka vikundi vya watu waliotengwa, wakiwemo watu wenye ulemavu na vijana, kama inavyoagizwa katika Sheria ya Bunge; na

(d)Spika, ambaye ni mwanachama aliyechaguliwa na wabunge.

(2)Wanachama wanaobainishwa katika ibara ya (1) (b) na (c) watateuliwa na vyama vya kisiasa kulingana na idadi ya viti ambavyo kila chama cha kisiasa kilipata katika uchaguzi wa kaunti hiyo chini ya ibara ya (a) kulingana na Kifungu cha 90.

(3)Kujazwa kwa viti maalum chini ya ibara ya (1) (b) kutaamuliwa baada ya kutangazwa kwa wanachama waliochaguliwa katika kila wadi.

(4)Bunge la kaunti linachaguliwa kwa muhula wa miaka mitano.

English

Membership of county assembly

(1)A county assembly consists of—

(a)members elected by the registered voters of the wards, each ward constituting a single member constituency, on the same day as a general election of Members of Parliament, being the second Tuesday in August, in every fifth year;

(b)the number of special seat members necessary to ensure that no more than two-thirds of the membership of the assembly are of the same gender;

(c)the number of members of marginalised groups, including persons with disabilities and the youth, prescribed by an Act of Parliament; and

(d)the Speaker, who is an ex officio member.

(2)The members contemplated in clause (1) (b) and (c) shall, in each case, be nominated by political parties in proportion to the seats received in that election in that county by each political party under paragraph (a) in accordance with Article 90.

(3)The filling of special seats under clause (1) (b) shall be determined after declaration of elected members from each ward.

(4)A county assembly is elected for a term of five years.

Kif.178

Spika wa bunge la kaunti

Kiswahili

(1)Kila bunge la kaunti litakuwa na spika aliyechaguliwa na bunge la kaunti kutoka miongoni mwa watu wasio wanachama wa bunge hilo.

(2)Kikao cha bunge la kaunti kitaongozwa na––

(a)spika wa bunge hilo; au

(b)iwapo spika hayuko, mwanachama mwingine wa bunge hilo aliyechaguliwa na bunge.

(3)Bunge litatunga sheria itakayotoa mwongozo katika kuchaguliwa na kuondolewa ofisini kwa maspika wa mabunge ya kaunti.

English

Speaker of a county assembly

(1)Each county assembly shall have a speaker elected by the county assembly from among persons who are not members of the assembly.

(2)A sitting of the county assembly shall be presided over by—

(a)the speaker of the assembly; or

(b)in the absence of the speaker, another member of the assembly elected by the assembly.

(3)Parliament shall enact legislation providing for the election and removal from office of speakers of the county assemblies.

Kif.179

Kamati za mamlaka ya utendaji katika kaunti

Kiswahili

(1)Mamlaka ya utendaji katika kaunti yamepewa, na yatatekelezwa, na kamati za utendaji katika kaunti.

(2)Kamati ya utendaji katika kaunti inajumuisha—

(a)gavana wa kaunti na naibu gavana wa kaunti; na

(b)wanachama walioteuliwa na gavana wa kaunti, kwa idhini ya bunge la kaunti, kutoka miongoni mwa watu ambao sio wanachama wa bunge hilo.

(3)Idadi ya wanachama walioteuliwa kwa mujibu wa ibara ya (2)(b) haitazidi—

(a)thuluthi moja ya wanachama wa bunge la kaunti ikiwa bunge hilo lina chini ya wanachama thelathini; au

(b)kumi, ikiwa bunge lina wanachama thelathini au zaidi.

(4)Gavana wa kaunti na naibu gavana wa kaunti ndio afisa mkuu na naibu wa afisa mkuu wa kaunti, mtawalia.

(5)Wakati ambapo gavana wa kaunti hayupo, naibu gavana wa kaunti ndiye atakayehudumu kama gavana wa kaunti.

(6)Wanachama wa kamati ya utendaji katika kaunti wanawajibikia gavana wa kaunti katika utekelezaji wa majukumu na mamlaka yao.

(7)Ikiwa nafasi katika ofisi ya gavana itatokea, wanachama wa kamati ya utendaji katika kaunti walioteuliwa chini ya ibara ya (2) (b) hawatahudumu tena.

English

County executive committees

(1)The executive authority of the county is vested in, and exercised by, a county executive committee.

(2)The county executive committee consists of—

(a)the county governor and the deputy county governor; and

(b)members appointed by the county governor, with the approval of the assembly, from among persons who are not members of the assembly.

(3)The number of members appointed under clause (2) (b) shall not exceed—

(a)one-third of the number of members of the county assembly, if the assembly has less than thirty members; or

(b)ten, if the assembly has thirty or more members.

(4)The county governor and the deputy county governor are the chief executive and deputy chief executive of the county, respectively.

(5)When the county governor is absent, the deputy county governor shall act as the county governor.

(6)Members of a county executive committee are accountable to the county governor for the performance of their functions and exercise of their powers.

(7)If a vacancy arises in the office of the county governor, the members of the county executive committee appointed under clause (2) (b) cease to hold office.

Kif.180

Uchaguzi wa gavana wa kaunti na naibu gavana wa kaunti

Kiswahili

(1)Gavana wa kaunti atachaguliwa moja kwa moja na wapiga kura waliosajiliwa katika kaunti hiyo, siku ile ile ya uchaguzi mkuu wa wabunge, itakayokuwa Jumanne ya pili ya mwezi Agosti, baada ya kila miaka mitano.

(2)Lazima mtu astahiki kuchaguliwa kama mwakilishi wadi ili astahiki kuchaguliwa kama gavana wa kaunti.

(3)Ikiwa mgombea mmoja tu wa kiti cha gavana ndiye atakayeteuliwa, mtu huyu atatangazwa kuwa amechaguliwa.

(4)Ikiwa wagombea wawili au zaidi watateuliwa, uchaguzi utafanywa katika kaunti hiyo na mgombeaji atakayepata idadi kubwa zaidi ya kura ndiye atakayetangazwa kuwa amechaguliwa.

(5)Kila mgombea kiti cha gavana wa kaunti atamteua mtu mmoja ambaye anastahiki kuchaguliwa kama gavana wa kaunti kuwa mgombea kiti cha naibu gavana.

(6)Tume Huru ya Uchaguzi na Mipakahaitasimamia uchaguzi tofauti wa naibu wa gavana, lakini itamtangaza mgombea aliyeteuliwa na yule mtu anayechaguliwa kama gavana wa kaunti, kuwa amechaguliwa kama naibu wa gavana .

(7)Hakuna atakayehudumu––

(a)kama gavana wa kaunti kwa zaidi ya mihula miwili; au

(b)kama naibu gavana wa kaunti kwa zaidi ya mihula miwili.

(8)Kwa madhumuni ya ibara ya (7), mtu ambaye amechukua hatamu za uongozi kama gavana wa kaunti atachukuliwa kuwa amehudumu katika muhula mzima, lakini kwa kuzingatia Kifungu cha 182 (3) (b) tu.

English

Election of county governor and deputy county governor

(1)The county governor shall be directly elected by the voters registered in the county, on the same day as a general election of Members of Parliament, being the second Tuesday in August, in every fifth year.

(2)To be eligible for election as county governor, a person must be eligible for election as a member of the county assembly.

(3)If only one candidate for county governor is nominated, that candidate shall be declared elected.

(4)If two or more candidates are nominated, an election shall be held in the county and the candidate who receives the greatest number of votes shall be declared elected.

(5)Each candidate for election as county governor shall nominate a person who is qualified for nomination for election as county governor as a candidate for deputy governor.

(6)The Independent Electoral and Boundaries Commission shall not conduct a separate election for the deputy governor but shall declare the candidate nominated by the person who is elected county governor to have been elected as the deputy governor.

(7)A person shall not hold office—

(a)as a county governor for more than two terms; or

(b)as a deputy county governor for more than two terms.

(8)For the purposes of clause (7), a person who has assumed the office of county governor shall be deemed to have served a full term, subject only to Article 182 (3) (b).

Kif.181

Kuondolewa kwa serikali ya kaunti

Kiswahili

(1)Gavana wa kaunti anaweza kuondolewa ofisini kwa msingi wowote kati ya yafuatayo––

(a)ukiukaji mkubwa wa Katiba hii au sheria yoyote nyingine;

(b)ikiwa kuna sababu kuu za kuamini kuwa gavana huyo wa kaunti amefanya uhalifu chini ya sheria ya taifa au kimataifa;

(c)matumizi mabaya ya mamlaka au mwenendo mbaya zaidi ofisini; au

(d)kukosa uwezo wa kimwili au kiakili ili kutekeleza majukumu ya ofisi ya gavana wa kaunti.

(2)Bunge litatunga sheria itakayotoa taratibu za kumwondoa gavana wa kaunti ofisini, kwenye msingi wowote kati ya iliyotajwa katika ibara ya (1).

English

Removal of a county governor

(1)A county governor may be removed from office on any of the following grounds—

(a)gross violation of this Constitution or any other law;

(b)where there are serious reasons for believing that the county governor has committed a crime under national or international law;

(c)abuse of office or gross misconduct; or

(d)physical or mental incapacity to perform the functions of office of county governor.

(2)Parliament shall enact legislation providing for the procedure of removal of a county governor on any of the grounds specified in clause (1).

Kif.182

Nafasi katika ofisi ya gavana wa kaunti

Kiswahili

(1)Afisi ya gavana wa kaunti itakuwa wazi ikiwa anayehudumu katika afisi hiyo—

(a)Atafariki dunia;

(b)atajiuzulu kwa kumwandikia spika wa bunge la kaunti;

(c)atawacha kutimiza mahitaji ya kustahiki ili kuchaguliwa kama gavana wa kaunti chini ya Kifungu cha 180 (2);

(d)atapatikana na hatia ambalo linaadhibiwa kwa kifungo gerezani kisichopungua miezi kumi na miwili;

(e)ataondolewa ofisini kwa mujibu wa Katiba hii.

(2)Ikiwa nafasi itatokea katika ofisi ya gavana wa kaunti, naibu gavana wa kaunti atahudumu kama gavana wa kaunti kwa muda wa muhula uliosalia wa gavana wa kaunti.

(3)Ikiwa mtu atachukua hatamu za uongozi katika ofisi ya gavana wa kaunti chini ya ibara ya (2), kwa madhumuni ya Kifungu cha 180 (7), mtu huyo atachukuliwa kuwa—

(a)amehudumu kwa muhula mzima kama gavana wa kaunti ikiwa, katika tarehe ambayo mtu huyo alianza kuhudumu, zaidi ya miaka miwili na nusu ilikuwa inasalia kabla ya tarehe ya uchaguzi utakaofuata ulioratibiwa kikawaida chini ya Kifungu cha 180 (1); au

(b)hajahudumu kwa muhula mzima kama gavana wa kaunti katika hali nyingine yoyote.

(4)Ikiwa nafasi itatokea katika ofisi ya gavana wa kaunti na katika ofisi ya naibu gavana wa kaunti, au ikiwa naibu gavana wa kaunti hawezi kuhudumu kwa muda, spika wa bunge la kaunti ndiye atakayehudumu kwa muda kama gavana wa kaunti.

(5)Ikiwa nafasi itatokea katika hali zilizobainishwa chini ya ibara ya (4), uchaguzi wa gavana wa kaunti utafanywa ndani ya siku sitini baada ya tarehe ya spika kuanza kuhudumu kama gavana wa kaunti.

(6)Mtu atakayechukua hatamu za uongozi katika ofisi ya gavana wa kaunti chini ya Kifungu hiki, isipokuwa aondolewe ofisini vinginevyo chini ya Katiba hii, mtu huyo atahudumu hadi gavana wa kaunti aliyechaguliwa upya atakapoanza kuhudumu baada ya uchaguzi utakaofuata chini ya Kifungu cha 180 (1).

English

Vacancy in the office of county governor

(1)The office of the county governor shall become vacant if the holder of the office—

(a)dies;

(b)resigns, in writing, addressed to the speaker of the county assembly;

(c)ceases to be eligible to be elected county governor under Article 180 (2);

(d)is convicted of an offence punishable by imprisonment for at least twelve months; or

(e)is removed from office under this Constitution.

(2)If a vacancy occurs in the office of county governor, the deputy county governor shall assume office as county governor for the remainder of the term of the county governor.

(3)If a person assumes office as county governor under clause (2), the person shall be deemed for the purposes of Article 180 (7)—

(a)to have served a full term as county governor if, at the date on which the person assumed office, more than two and a half years remain before the date of the next regularly scheduled election under Article 180 (1); or

(b)not to have served a term of office as county governor, in any other case.

(4)If a vacancy occurs in the office of county governor and that of deputy county governor, or if the deputy county governor is unable to act, the speaker of the county assembly shall act as county governor.

(5)If a vacancy occurs in the circumstances contemplated by clause (4), an election to the office of county governor shall be held within sixty days after the speaker assumes the office of county governor.

(6)A person who assumes the office of county governor under this Article shall, unless otherwise removed from office under this Constitution, hold office until the newly elected county governor assumes office following the next election held under Article 180 (1).

Kif.183

Majukumu ya kamati za mamlaka ya utendaji katika kaunti

Kiswahili

(1)Kamati ya utendaji katika kaunti—

(a)itatekeleza sheria za bunge la kaunti;

(b)itatekeleza, katika kaunti, sheria za kitaifa kwa kiwango kinachohitajiwa na sheria hiyo;

(c)itasimamia na kuratibu majukumu ya utawala wa kaunti na idara zake; na

(d)itatekeleza majukumu mengine yoyote yaliyotolewa na Katiba hii na sheria ya kitaifa.

(2)Kamati ya utendaji katika kaunti inaweza kuandaa sheria iliyopendekezwa ili itathminiwe na bunge la kaunti.

(3)Kamati ya utendaji katika kaunti itatoa ripoti kamili za mara kwa mara kwa bunge la kaunti kuhusu masuala yanayohusiana na kaunti.

English

Functions of county executive committees

(1)A county executive committee shall—

(a)implement county legislation;

(b)implement, within the county, national legislation to the extent that the legislation so requires;

(c)manage and coordinate the functions of the county administration and its departments; and

(d)perform any other functions conferred on it by this Constitution or national legislation.

(2)A county executive committee may prepare proposed legislation for consideration by the county assembly.

(3)The county executive committee shall provide the county assembly with full and regular reports on matters relating to the county.

Kif.184

Maeneo yenye miji na majiji

Kiswahili

(1)Sheria ya Kitaifa itatoa mwongozo kuhusu utawala na usimamizi wa maeneo ya miji na majiji, na hasa—

(a)itabuni vigezo vya kuainisha maeneo kama miji na majiji,

(b)itabuni kanuni za utawala na usimamizi wa maeneo ya miji na majiji; na

(c)itatoa mwongozo kuhusu ushiriki wa umma katika utawala wa maeneo ya miji na majiji.

(2)(2) Sheria ya kitaifa inayorejelewa katika ibara ya (1) inaweza kujumuisha njia za kutambua kategoria mbalimbali za maeneo ya miji na majiji, na utawala wao.

English

Urban areas and cities

(1)National legislation shall provide for the governance and management of urban areas and cities and shall, in particular—

(a)establish criteria for classifying areas as urban areas and cities,

(b)establish the principles of governance and management of urban areas and cities; and

(c)provide for participation by residents in the governance of urban areas and cities.

(2)National legislation contemplated in clause (1) may include mechanisms for identifying different categories of urban areas and cities, and for their governance.

Kif.185

Mamlaka ya utungaji sheria ya mabunge ya kaunti

Kiswahili

(1)Mamlaka ya kutunga sheria ya kaunti yamepewa bunge la kaunti, na yatatekelezwa na bunge la kaunti.

(2)Bunge la kaunti linaweza kutunga sheria zozote muhimu, au zinazohitajika katika ufanikishaji wa utekelezaji wa majukumu yake, na utekelezaji wa mamlaka ya serikali ya kaunti kwa mujibu wa Ambatisho la Nne.

(3)Bunge la kaunti, kwa kuzingatia kanuni ya ugawaji wa mamlaka, lina uwezo wa kusimamia kamati ya utendaji katika kaunti, pamoja na idara zinginezo katika kitengo cha utendaji cha serikali ya kaunti.

(4)Bunge la kaunti linaweza kupokea na kuidhinisha mipango na sera ya-—

(a)usimamizi na utumiaji wa rasilimali za kaunti; na

(b)maendeleo na usimamizi wa miundo-msingi na taasisi za kaunti hiyo.

English

Legislative authority of county assemblies

(1)The legislative authority of a county is vested in, and exercised by, its county assembly.

(2)A county assembly may make any laws that are necessary for, or incidental to, the effective performance of the functions and exercise of the powers of the county government under the Fourth Schedule.

(3)A county assembly, while respecting the principle of the separation of powers, may exercise oversight over the county executive committee and any other county executive organs.

(4)A county assembly may receive and approve plans and policies for—

(a)the management and exploitation of the county’s resources; and

(b)the development and management of its infrastructure and institutions.

Sehemu 3Majukumu na Mamlaka ya Serikali za Kaunti

Kif.186

Kazi na mamlaka ya serikali ya kitaifa na serikali za kaunti

Kiswahili

(1)Isipokuwa Katiba hii itoe mwongozo vinginevyo, majukumu na mamlaka ya serikali ya kitaifa na serikali za kaunti ni kama yalivyoelezwa katika Ambatisho la Nne.

(2)Jukumu au mamlaka yaliyotolewa kwa zaidi ya kiwango kimoja cha serikali ni jukumu au mamlaka ambayo yanaweza kutekelezwa na viwango vyote vya serikali.

(3)Jukumu au mamlaka ambayo hayajatolewa kwa kaunti na Katiba hii au sheria ya kitaifa, ni jukumu au mamlaka ya serikali ya kitaifa.

(4)Kwa uhakika zaidi, Bunge la kitaifa linaweza kuitungia Jamhuri sheria kuhusu jambo lolote.

English

Respective functions and powers of national and county governments

(1)Except as otherwise provided by this Constitution, the functions and powers of the national government and the county governments, respectively, are as set out in the Fourth Schedule.

(2)A function or power that is conferred on more than one level of government is a function or power within the concurrent jurisdiction of each of those levels of government.

(3)A function or power not assigned by this Constitution or national legislation to a county is a function or power of the national government.

(4)For greater certainty, Parliament may legislate for the Republic on any matter.

Kif.187

Uhamisho wa kazi na mamlaka kati ya ngazi za serikali

Kiswahili

(1)Jukumu au mamlaka ya serikali katika ngazi moja yanaweza kuhamishwa kwa serikali katika ngazi hiyo nyingine kwa makubaliano kati ya serikali hizo mbili ikiwa—

(a)mamlaka au jukumu hilo litatekelezwa vyema zaidi na serikali hiyo inayopokea jukumu au mamlaka hayo; na

(b)kuhamishwa kwa mamlaka au jukumu hakujapigwa marufuku chini ya sheria ambayo kuhamishwa huko kungetekelezwa.

(2)Ikiwa jukumu au mamlaka yatahamishwa kutoka ngazi moja ya serikali hadi nyingine—

(a)mipango itafanywa ili kuhakikisha kwamba rasilimali zinazohitajika katika utekelezaji wa mamlaka au jukumu hilo zimehamishwa; na

(b)uwajibikaji wa kikatiba katika utekelezaji wa jukumu au mamlaka utabakia na serikali iliyopewa jukumu au mamlaka hayo chini ya Ambatisho la Nne.

English

Transfer of functions and powers between levels of government

(1)A function or power of government at one level may be transferred to a government at the other level by agreement between the governments if—

(a)the function or power would be more effectively performed or exercised by the receiving government; and

(b)the transfer of the function or power is not prohibited by the legislation under which it is to be performed or exercised.

(2)If a function or power is transferred from a government at one level to a government at the other level—

(a)arrangements shall be put in place to ensure that the resources necessary for the performance of the function or exercise of the power are transferred; and

(b)constitutional responsibility for the performance of the function or exercise of the power shall remain with the government to which it is assigned by the Fourth Schedule.

Sehemu 4Mipaka ya Kaunti

Kif.188

Mipaka ya kaunti

Kiswahili

(1)Mipaka ya kaunti inaweza kubadilishwa tu kwa uamuzi––

(a)uliopendekezwa na tume huru iliyobuniwa na bunge kwa lengo hilo; na

(b)uliopitishwa na––

(i)Bunge la Kitaifa, ukiungwa mkono na wabunge wasiopungua thuluthi mbili ya wanachama wa Bunge hilo; na

(ii)Seneti, ukiungwa mkono na angalau wajumbe wa kaunti wasiopungua thuluthi mbili ya wajumbe wa kaunti.

(2)Mipaka ya kaunti inaweza kubadilishwa ili kuzingatia—

(a)wingi wa watu na uongezekaji wao;

(b)miundombinu ya kiasili na ya kibinadamu;

(c)historia na tamaduni za watu hao;

(d)gharama ya usimamizi;

(e)maoni ya jamii zilizoathirika;

(f)malengo ya ugatuzi wa serikali; na

(g)mandhari ya kijiografia.

English

Boundaries of counties

(1)The boundaries of a county may be altered only by a resolution—

(a)recommended by an independent commission set up for that purpose by Parliament; and

(b)passed by—

(i)the National Assembly, with the support of at least two-thirds of all of the members of the Assembly; and

(ii)the Senate, with the support of at least two-thirds of all of the county delegations.

(2)The boundaries of a county may be altered to take into account—

(a)population density and demographic trends;

(b)physical and human infrastructure;

(c)historical and cultural ties;

(d)the cost of administration;

(e)the views of the communities affected;

(f)the objects of devolution of government; and

(g)geographical features.

Sehemu 5Uhusiano Kati ya Serikali

Kif.189

Ushirikiano kati ya serikali ya kitaifa na serikali za kaunti

Kiswahili

(1)Serikali katika ngazi yoyote—

(a)iwapo ni serikali ya kaunti, serikali hiyo itatekeleza majukumu na mamlaka yake kwa namna inayoheshimu hadhi na uadilifu wa kitaasisi katika ngazi hiyo ya serikali, na kwa namna inayoheshimu hadhi ya kikatiba na taasisi za serikali katika ngazi hiyo nyingine ya serikali;

(b)itasaidia, itashirikiana na kushauriana na serikali katika ngazi hiyo nyingine, na ifaavyo, itatekeleza sheria za serikali iliyo katika ngazi hiyo nyingine; na

(c)itashauriana na serikali katika kiwango hicho kingine kwa madhumuni ya kubadilishana mawazo, kuratibia sera na utawala, na kuboresha uwezo wa kutekeleza majukumu.

(2)Serikali katika ngazi zote, na serikali tofauti katika ngazi ya kaunti, zitashirikiana katika kutekeleza majukumu na mamlaka yao, na kwa lengo hilo, zinaweza kubuni kamati na mamlaka ya pamoja.

(3)Katika mzozo wowote kati ya serikali, serikali hizo zitachukua hatua zote iwezekanavyo ili kutatua mzozo huo, ikijumuisha taratibu zilizotolewa chini ya sheria ya kitaifa.

(4)Sheria ya kitaifa itatoa taratibu za kutatua mizozo kati ya serikali kwa mbinu mbadala za kutatua mizozo zikiwemo kushauriana na upatanishi.

English

Cooperation between national and county governments

(1)Government at either level shall—

(a)perform its functions, and exercise its powers, in a manner that respects the functional and institutional integrity of government at the other level, and respects the constitutional status and institutions of government at the other level and, in the case of county government, within the county level;

(b)assist, support and consult and, as appropriate, implement the legislation of the other level of government; and

(c)liaise with government at the other level for the purpose of exchanging information, coordinating policies and administration and enhancing capacity.

(2)Government at each level, and different governments at the county level, shall co-operate in the performance of functions and exercise of powers and, for that purpose, may set up joint committees and joint authorities.

(3)In any dispute between governments, the governments shall make every reasonable effort to settle the dispute, including by means of procedures provided under national legislation.

(4)National legislation shall provide procedures for settling inter-governmental disputes by alternative dispute resolution mechanisms, including negotiation, mediation and arbitration.

Kif.190

Usaidizi kwa serikali za kaunti

Kiswahili

(1)Bunge litatunga sheria ili kuhakikisha kwamba serikali za kaunti zina usaidizi wa kutosha ili kuziwezesha kutekeleza majukumu yao.

(2)Serikali za kaunti zitaendesha mifumo ya usimamizi wa fedha inayoafikiana na matakwa ya sheria ya kitaifa.

(3)Bunge litatunga sheria itakayoruhusu serikali ya kitaifa kuingilia kati ikiwa serikali ya kaunti—

(a)imeshindwa kutekeleza majukumu yake; au

(b)haiendeshi mfumo wa usimamizi wa fedha unaoambatana na matakwa ya sheria ya kitaifa.

(4)Sheria inayorejelewa katika ibara ya (3) inaweza, hasa, kuipa serikali ya kitaifa mamlaka ya-—

(a)kuchukua hatua mwafaka ili kuhakikisha kwamba majukumu ya serikali ya kaunti yanatekelezwa na kwamba serikali hiyo inaendesha mfumo wa usimamizi wa fedha unaoafikia mahitaji yaliyotolewa; na

(b)kuwajibika katika utekelezaji wa majukumu husika ikiwa itahitajika.

(5)Sheria inayorejelewa chini ya ibara ya (3)—

(a)itahitaji notisi kutolewa kwa serikali ya kaunti kuhusu hatua zozote ambazo serikali ya kitaifa inanuia kuchukua;

(b)itaruhusu serikali ya kitaifa kuchukua tu hatua ambazo ni muhimu;

(c)itahitaji serikali ya kitaifa kuchukua hatua ambazo zitaisaidia serikali ya kaunti kurejelea kikamilifu utekelezaji wa majukumu yake serikali hiyo inapoingilia kati; na

(d)itatoa mchakato ambao Seneti inaweza kutumia ili kukomesha uingiliaji kati wa serikali ya kitaifa.

English

Support for county governments

(1)Parliament shall by legislation ensure that county governments have adequate support to enable them to perform their functions.

(2)County governments shall operate financial management systems that comply with any requirements prescribed by national legislation.

(3)Parliament shall, by legislation, provide for intervention by the national government if a county government—

(a)is unable to perform its functions; or

(b)does not operate a financial management system that complies with the requirements prescribed by national legislation.

(4)Legislation under clause (3) may, in particular, authorise the national government—

(a)to take appropriate steps to ensure that the county government’s functions are performed and that it operates a financial management system that complies with the prescribed requirements; and

(b)if necessary, to assume responsibility for the relevant functions.

(5)The legislation under clause (3) shall—

(a)require notice to be given to a county government of any measures that the national government intends to take;

(b)permit the national government to take only measures that are necessary;

(c)require the national government, when it intervenes, to take measures that will assist the county government to resume full responsibility for its functions; and

(d)provide for a process by which the Senate may bring the intervention by the national government to an end.

Kif.191

Mgongano wa sheria

Kiswahili

(1)Kifungu hiki kinahusu mgongano kati ya sheria za kitaifa na zile za kaunti, katika masuala ambayo viwango vyote viwili vya serikali vina mamlaka au majukumu kuyahusu.

(2)Sheria ya kitaifa itatawala juu ya sheria ya kaunti ikiwa—

(a)sheria za kitaifa inatumika kwa usawa kote nchini Kenya na masharti mengine yaliyowekwa katika ibara ya (3) yametoshelezwa; au

(b)sheria ya kitaifa inalenga kudhibiti hatua zisizofaa katika kaunti, ikiwa hatua hizo—

(i)zinaweza kuwa na athari mbaya kiuchumi, kiafya au katika usalama wa Kenya au kaunti nyingine; au

(ii)zitazuia utekelezaji wa sera ya kiuchumi ya kitaifa.

(3)Masharti yanayorejelewa katika ibara ya (2) (a) ni kama yafuatayo (2) (a)––

(a)sheria ya kitaifa inatoa mwongozo kuhusu suala ambalo haliwezi kudhibitiwa kwa ufanisi na sheria zitakazotungwa katika kila kaunti;

(b)sheria ya kitaifa inatoa mwongozo kuhusu suala ambalo linahitaji usawa kote nchini ili kutekelezwa kwa ufanisi, na sheria hiyo ya kitaifa inatoa usawa huo kwa kubuni—

(i)kanuni na viwango vya ubora; au

(ii)sera za kitaifa; au

(c)sheria hiyo ya kitaifa ni muhimu katika—

(i)kudumisha usalama wa kitaifa;

(ii)kudumisha umoja wa kiuchumi;;

(iii)kulinda soko la shirikisho katika usafirishaji wa bidhaa, huduma, rasilimali na wafanyakazi;

(iv)kukuza shughuli za kiuchumi katika mipaka ya kaunti;

(v)kukuza nafasi sawa au usawa katika ufikiaji wa huduma za serikali; au

(vi)kulinda mazingira.

(4)Sheria ya kaunti zitatawala juu ya sheria ya kitaifa ikiwa hali zote zinazobainiwa katika ibara ya (2) hazitumiki.

(5)Katika kutatua mgongano kati ya sheria za viwango tofauti vya serikali, mahakama itapendelea ufasiri wa sheria ambao utazuia mgongano badala ya ufasiri ambao utapelekea mgongano.

(6)Uamuzi wa mahakama kwamba kifungu cha sheria ya kiwango kimoja cha serikali kinatawala juu ya kifungu katika sheria ya kiwango kingine cha serikali hakubatilishi kifungu cha sheria cha kiwango kile kingine, ila tu kifungu hicho hakitatekelezwa kwa kiwango ambacho hakiambatani na kifungu kilichoamuliwa kutawala.

English

Conflict of laws

(1)This Article applies to conflicts between national and county legislation in respect of matters falling within the concurrent jurisdiction of both levels of government.

(2)National legislation prevails over county legislation if—

(a)the national legislation applies uniformly throughout Kenya and any of the conditions specified in clause (3) is satisfied; or

(b)the national legislation is aimed at preventing unreasonable action by a county that—

(i)is prejudicial to the economic, health or security interests of Kenya or another county; or

(ii)impedes the implementation of national economic policy.

(3)The following are the conditions referred to in clause (2) (a)—

(a)the national legislation provides for a matter that cannot be regulated effectively by legislation enacted by the individual counties;

(b)the national legislation provides for a matter that, to be dealt with effectively, requires uniformity across the nation, and the national legislation provides that uniformity by establishing—

(i)norms and standards; or

(ii)national policies; or

(c)the national legislation is necessary for—

(i)the maintenance of national security;

(ii)the maintenance of economic unity;

(iii)the protection of the common market in respect of the mobility of goods, services, capital and labour;

(iv)the promotion of economic activities across county boundaries;

(v)the promotion of equal opportunity or equal access to government services; or

(vi)the protection of the environment.

(4)County legislation prevails over national legislation if neither of the circumstances contemplated in clause (2) apply.

(5)In considering an apparent conflict between legislation of different levels of government, a court shall prefer a reasonable interpretation of the legislation that avoids a conflict to an alternative interpretation that results in conflict.

(6)A decision by a court that a provision of legislation of one level of government prevails over a provision of legislation of another level of government does not invalidate the other provision, but the other provision is inoperative to the extent of the inconsistency.

Sehemu 6Kusimamishwa kwa Muda kwa Serikali za Kaunti

Kif.192

Kusimamishwa kwa serikali ya kaunti

Kiswahili

(1)Rais anaweza kusimamisha serikali ya kaunti kwa muda—

(a)katika hali ya dharura inayotokana na mzozo wa kindani au vita; au;

(b)katika hali zingine maalum.

(2)Serikali ya kaunti haitasimamishwa kwa muda chini ya ibara ya (1) (b) isipokuwa tume huru imefanya uchunguzi wa madai dhidi ya serikali ya kaunti, Rais ameridhika kwamba madai hayo yamethibitishwa na Seneti imeidhinisha kusimamishwa huko.

(3)Kwa wakati ambao serikali ya kaunti imesimamishwa kwa muda chini ya Kifungu hiki, mikakati itawekwa ili kuwezesha utekelezaji wa majukumu ya serikali ya kaunti kulingana na Sheria ya Bunge.

(4)Kwa wakati wowote, Seneti inaweza kutupilia mbali kusimamishwa huko.

(5)Kusimamishwa kwa muda chini ya Kifungu hiki hakutaendelea kwa zaidi ya kipindi cha siku tisini.

(6)Kipindi kilichotolewa chini ya ibara ya (5) kinapokamilika, uchaguzi wa serikali ya kaunti husika utafanyika.

English

Suspension of a county government

(1)The President may suspend a county government—

(a)in an emergency arising out of internal conflict or war; or

(b)in any other exceptional circumstances.

(2)A county government shall not be suspended under clause (1) (b) unless an independent commission of inquiry has investigated allegations against the county government, the President is satisfied that the allegations are justified and the Senate has authorised the suspension.

(3)During a suspension under this Article, arrangements shall be made for the performance of the functions of a county government in accordance with an Act of Parliament.

(4)The Senate may at any time terminate the suspension.

(5)A suspension under this Article shall not extend beyond a period of ninety days.

(6)On the expiry of the period provided for under clause (5), elections for the relevant county government shall be held.

Sehemu 7Vifungu vya Kijumla

Kif.193

Ustahiki katika kuchaguliwa kama mwakilishi wadi katika bunge la kaunti

Kiswahili

(1)Isipokuwa kutostahiki chini ya ibara ya (2),mtu anastahiki kuchaguliwa kama mwakilishi wadi katika bunge la kaunti ikiwa mtu huyo—

(a)amesajiliwa kama mpiga kura;

(b)anatosheleza mahitaji yoyote ya kielimu, ya kimaadili na ya uadilifu ambayo yanahitajika katika Katiba hii au katika Sheria ya Bunge; na

(c)lazima awe—

(i)ameteuliwa na chama cha kisiasa; au

(ii)mgombea huru anayeungwa na angalau wapiga kura mia tano waliosajiliwa katika wadi husika.

(2)Mtu hastahiki kuchaguliwa kama mwakilishi wadi ikiwa mtu huyo—

(a)ni afisa wa Serikali au wa umma, isipokuwa mwakilishi wadi katika bunge la kaunti;

(b)amehudumu katika Tume Huru ya Uchaguzi na Mipaka katika miaka mitano iliyopita kabla ya tarehe ya uchaguzi.

(c)hajakuwa raia wa Kenya kwa angalau miaka kumi iliyopita kabla ya tarehe ya uchaguzi;

(d)hana akili timamu;

(e)amefilisika;

(f)anatumikia kifungo gerezani cha miezi sita au zaidi; au

(g)amepatikana kuwa, kulingana na sheria yoyote, ametumia vibaya mamlaka ya ofisi ya umma au kuwa amekiuka Sura ya Sita.

(3)Mtu hazuiliwi kugombea chini ya ibara ya (2) isipokuwa tu pale ambapo uwezekano wote wa rufaa au kukaguliwa kwa kifungo au uamuzi husika umekwisha.

English

Qualifications for election as member of county assembly

(1)Unless disqualified under clause (2), a person is eligible for election as a member of a county assembly if the person—

(a)is registered as a voter;

(b)satisfies any educational, moral and ethical requirements prescribed by this Constitution or an Act of Parliament; and

(c)is either—

(i)nominated by a political party; or

(ii)an independent candidate supported by at least five hundred registered voters in the ward concerned.

(2)A person is disqualified from being elected a member of a county assembly if the person—

(a)is a State officer or other public officer, other than a member of the county assembly;

(b)has, at any time within the five years immediately before the date of election, held office as a member of the Independent Electoral and Boundaries Commission;

(c)has not been a citizen of Kenya for at least the ten years immediately preceding the date of election;

(d)is of unsound mind;

(e)is an undischarged bankrupt;

(f)is serving a sentence of imprisonment of at least six months; or

(g)has been found, in accordance with any law, to have misused or abused a State office or public office or to have contravened Chapter Six.

(3)A person is not disqualified under clause (2) unless all possibility of appeal or review of the relevant sentence or decision has been exhausted.

Kif.194

Kuondolewa ofisini kwa mwakilishi wadi katika bunge la kaunti

Kiswahili

(1)Afisi ya mwakilishi wadi itakuwa wazi—

(a)ikiwa mwakilishi wadi huyo atafariki dunia;

(b)Ikiwa mwakilishi wadi huyo atakosa kuhudhuria vikao vinane vya bunge bila idhini iliyoandikwa ya spika wa bunge, na hawezi kutoa sababu za kutosheleza kuhusu kutohudhuria huko;

(c)ikiwa mwanachama huyo ameondolewa ofisini vinginevyo chini ya Katiba hii au chini ya sheria iliyotungwa chini ya Kifungu cha 80;

(d)Ikiwa mwakilishi wadi huyo atajiuzulu kwa kumwandikia spika wa bunge la kaunti;

(e)ikiwa baada ya kuchaguliwa katika bunge la kaunti––

(i)kama mwanachama wa chama cha kisiasa, mwakilishi wadi huyo atajiuzulu kutoka chama hicho, au ikiwa atachukuliwa kuwa amejiuzulu kulingana na sheria

(ii)inavyobainishwa katika ibara ya (2); au

(iii)kama mgombea huru, mwanachama huyo atajiunga na chama cha kisiasa;

(f)mwishoni mwa muhula wa bunge hilo la kaunti; au

(g)ikiwa mwakilishi wadi huyo hatastahiki kuchaguliwa kwenye misingi iliyobainiwa katika Kifungu cha 193 (2).

(2)Bunge litatunga sheria litakalotoa hali ambazo mwanachama wa chama cha kisiasa atachukuliwa kuwa amejiuzulu kutoka chama hicho, kwa madhumuni ya ibara ya (1) (e).

English

Vacation of office of member of county assembly

(1)The office of a member of a county assembly becomes vacant—

(a)if the member dies;

(b)if the member is absent from eight sittings of the assembly without permission, in writing, of the speaker of the assembly, and is unable to offer satisfactory explanation for the absence;

(c)if the member is removed from office under this Constitution or legislation enacted under Article 80;

(d)if the member resigns in writing addressed to the speaker of the assembly;

(e)if, having been elected to the assembly—

(i)as a member of a political party, the member resigns from the party, or is deemed to have resigned from the party as determined in accordance with the legislation contemplated in clause (2); or

(ii)as an independent candidate, the member joins a political party;

(f)at the end of the term of the assembly; or

(g)if the member becomes disqualified for election on grounds specified in Article 193 (2).

(2)Parliament shall enact legislation providing for the circumstances under which a member of a political party shall be deemed, for the purposes of clause (1) (e), to have resigned from the party.

Kif.195

Mamlaka ya bunge la kaunti ya kuwaita mashahidi

Kiswahili

(1)Bunge la kaunti au yoyote kati ya kamati zake, lina uwezo wa kumwita mtu yeyote mbele yake kwa madhumuni ya kutoa ushahidi au maelezo.

(2)Kwa madhumuni ya ibara ya (1), bunge la kaunti lina mamlaka sawa na Mahakama Kuu katika—

(a)kuamrisha mashahidi kuhudhuria na kuwahoji baada ya wao kula kiapo, kutoa uthibitisho au vinginevyo;

(b)kulazimisha utoaji wa hati; na

(c)Kutoa ombi la kuwahoji mashahidi walio ng’ambo.

English

County assembly power to summon witnesses

(1)A county assembly or any of its committees has power to summon any person to appear before it for the purpose of giving evidence or providing information.

(2)For the purposes of clause (1), an assembly has the same powers as the High Court to—

(a)enforce the attendance of witnesses and examining them on oath, affirmation or otherwise;

(b)compel the production of documents; and

(c)issue a commission or request to examine witnesses abroad.

Kif.196

Kushiriki kwa umma na mamlaka, haki maalum na kinga dhidi ya mashtaka kwa bunge la kaunti

Kiswahili

(1)Bunge la kaunti—

(a)litaendesha shughuli zake kwa uwazi, na kufanya vikao vyake na vya kamati zake hadharani; na

(b)litawezesha ushiriki wa umma katika kutunga sheria na katika shughuli zingine za bunge hilo na za kamati zake.

(2)Bunge la kaunti halitazuia umma, au vyombo vya habari, kuhudhuria kikao chochote isipokuwa katika hali maalum ambayo spika wa bunge ameamua kwamba kuna sababu zinazotosheleza za kufanya hivyo.

(3)Bunge la kitaifa litatunga sheria itakayotoa mwongozo kuhusu mamlaka, haki maalum na kinga dhidi ya mashtaka kwa mabunge ya kaunti na wanachama wake.

English

Public participation and county assembly powers, privileges and immunities

(1)A county assembly shall—

(a)conduct its business in an open manner, and hold its sittings and those of its committees, in public; and

(b)facilitate public participation and involvement in the legislative and other business of the assembly and its committees.

(2)A county assembly may not exclude the public, or any media, from any sitting unless in exceptional circumstances the speaker has determined that there are justifiable reasons for doing so.

(3)Parliament shall enact legislation providing for the powers, privileges and immunities of county assemblies, their committees and members.

Kif.197

Usawa wa kijinsia na utofauti katika bunge la kaunti

Kiswahili

(1)Idadi ya jinsia moja ya wanachama wa bunge lolote la kaunti au wa kamati ya utendaji katika kaunti, halitazidi thuluthi mbili ya wanachama hao.

(2)Bunge litatunga sheria ili—

(a)kuhakikisha kwamba utofauti wa kijamii na wa kitamaduni unazingatiwa katika bunge la kaunti na kamati za utendaji katika kaunti; na

(b)kuweka mikakati ya kuwalinda walio wachache katika kaunti hizo.

English

County assembly gender balance and diversity

(1)Not more than two-thirds of the members of any county assembly or county executive committee shall be of the same gender.

(2)Parliament shall enact legislation to—

(a)ensure that the community and cultural diversity of a county is reflected in its county assembly and county executive committee; and

(b)prescribe mechanisms to protect minorities within counties.

Kif.198

Serikali ya kaunti katika kipindi cha mpito

Kiswahili

Uchaguzi utakapofanywa ili kuunda bunge la kaunti chini ya Sura hii, kamati ya utendaji katika kaunti, ilivyoundwa mara ya mwisho, itakuwa na uwezo wa kutekeleza majukumu ya usimamizi hadi kamati mpya ya utendaji itakapoundwa baada ya uchaguzi.

English

County government during transition

While an election is being held to constitute a county assembly under this Chapter, the executive committee of the county, as last constituted remains competent to perform administrative functions until a new executive committee is constituted after the election.

Kif.199

Kuchapishwa kwa sheria za kaunti

Kiswahili

(1)Sheria ya kaunti haianzi kutumika isipokuwa ichapishwe katika Gazeti Rasmi la Serikali.

(2)Sheria ya kitaifa na sheria za kaunti zinaweza kutoa masharti ya ziada kuhusu uchapishaji wa sheria za serikali ya kaunti.

English

Publication of county legislation

(1)County legislation does not take effect unless published in the Gazette.

(2)National and county legislation may prescribe additional requirements in respect of the publication of county legislation.

Kif.200

Sheria Kuhusu Sura Hii

Kiswahili

(1)Bunge litatunga sheria itakayotoa mwongozo katika masuala yote muhimu au yanayohitajika ili kuwezesha utekelezaji wa Sura hii.

(2)Hasa, sheria inaweza kubuniwa ili iangazie––

(a)usimamizi wa mji mkuu, majiji mengine na maeneo ya miji;

(b)kuhamishwa kwa majukumu na mamlaka kutoka ngazi moja cha serikali hadi nyingine, ikijumuisha kuhamisha uwezo wa kutunga sheria kutoka kwa serikali ya kitaifa hadi serikali za kaunti;

(c)taratibu za uchaguzi au uteuzi wa watu, na kuondolewa kwao ofisini katika serikali za kaunti, ikijumuisha ustahiki wa wapiga kura na wagombeaji;

(d)taratibu za mabunge ya kaunti na kamati za utendaji katika kaunti, ikijumuisha mwenyekiti wa mikutano na jinsi mikutano hiyo itafanywa, idadi ya watu wanaohitajika ili mkutano kufanyika na upigaji kura; na

(e)kusimamishwa kwa muda kwa mabunge ya kaunti na kamati za utendaji. Sehemu ya I—Kanuni na Taratibu Kuhusu Fedha za Umma

English

Legislation on Chapter

(1)Parliament shall enact legislation providing for all matters necessary or convenient to give effect to this Chapter.

(2)In particular, provision may be made with respect to—

(a)the governance of the capital city, other cities and urban areas;

(b)the transfer of functions and powers by one level of government to another, including the transfer of legislative powers from the national government to county governments;

(c)the manner of election or appointment of persons to, and their removal from, offices in county governments, including the qualifications of voters and candidates;

(d)the procedure of assemblies and executive committees including the chairing and frequency of meetings, quorums and voting; and

(e)the suspension of assemblies and executive committees.

Maandishi: Tafsiri ya Kiswahili ya Katiba ya Kenya, 2010, iliyochapishwa na Uraia kwa kutumia chapisho la Halmashauri ya Kitaifa ya Kuripoti Maswala ya Sheria (27 Agosti 2010). Ikiwa kuna utata wowote kuhusu tafsiri, nakala ya Kiingereza ndiyo rasmi.

Huu ni msaada wa kusoma, si ushauri wa kisheria. Kwa swali la kisheria, ongea na wakili. Umeona kosa? Ripoti marekebisho