Usalama wa Kitaifa

Kiswahili

(1)Usalama wa kitaifa ni ulinzi kutokana na vitisho vya ndani na vya nje kwa mipaka ya Kenya na uhuru wa Kenya, watu wake, haki zao, uhuru, mali, amani, uthabiti na maendeleo, na maslahi mengine ya kitaifa.

(2)Usalama wa kitaifa wa Kenya utakuzwa na kuhakikishiwa kulingana na kanuni zifuatazo––

(a)usalama wa kitaifa uko chini ya mamlaka ya Katiba hii na Bunge;

(b)usalama wa kitaifa utatekelezwa kulingana na sheria, na kwa heshima kuu ya utawala wa sheria, demokrasia, haki za binadamu na uhuru wa kimsingi;

(c)katika kutekeleza majukumu na mamlaka yao, vitengo vya usalama wa kitaifa vitaheshimu tamaduni tofauti za jamii zilizo nchini Kenya; na

(d)uajiri katika vitengo vya usalama vya kitaifa utaonyesha utofauti wa wananchi wa Kenya katika viwango sawa.

English

Principles of national security

(1)National security is the protection against internal and external threats to Kenya’s territorial integrity and sovereignty, its people, their rights, freedoms, property, peace, stability and prosperity, and other national interests.

(2)The national security of Kenya shall be promoted and guaranteed in accordance with the following principles—

(a)national security is subject to the authority of this Constitution and Parliament;

(b)national security shall be pursued in compliance with the law and with the utmost respect for the rule of law, democracy, human rights and fundamental freedoms;

(c)in performing their functions and exercising their powers, national security organs shall respect the diverse culture of the communities within Kenya; and

(d)recruitment by the national security organs shall reflect the diversity of the Kenyan people in equitable proportions.

Kiswahili

(1)Vitengo vya usalama wa kitaifa ni—

(a)Vikosi vya Ulinzi wa Kenya;

(b)Huduma za Upelelezi za Kitaifa; na

(c)Huduma za Polisi za Kitaifa.

(2)Lengo la kimsingi la vitengo vya usalama wa kitaifa na mfumo wa usalama ni kukuza na kutoa hakikisho kuhusu usalama wa kitaifa kulingana na kanuni zilizotajwa katika Kifungu cha 238 (2).

(3)Katika kutekeleza majukumu na mamlaka yao, vitengo vya usalama wa kitaifa na kila mwanachama wa vitengo hivyo vya usalama wa kitaifa—

(a)hatahudumu kwa njia inayopendelea;

(b)hataendeleza maslahi au malengo ya chama chochote cha kisiasa; au

(c)kuhujumu maslahi ya kisiasa au malengo ya kisiasa ambayo ni halali chini ya Katiba hii.

(4)Hakuna mtu atakayebuni kikosi cha kijeshi au kikosi chenye hadhi ya kijeshi au shirika linalodai kuendeleza na kutoa hakikisho kuhusu usalama wa kitaifa isipokuwa inavyoruhusiwa na Katiba hii au Sheria ya Bunge.

(5)Vitengo vya usalama wa kitaifa vitakuwa chini ya mamlaka ya kiraia.

(6)Bunge litatunga sheria itakayotoa mwongozo kuhusu majukumu, utaratibu na usimamizi wa vitengo vya usalama wa kitaifa.

English

National security organs

(1)The national security organs are—

(a)the Kenya Defence Forces;

(b)the National Intelligence Service; and

(c)the National Police Service.

(2)The primary object of the national security organs and security system is to promote and guarantee national security in accordance with the principles mentioned in Article 238 (2).

(3)In performing their functions and exercising their powers, the national security organs and every member of the national security organs shall not—

(a)act in a partisan manner;

(b)further any interest of a political party or cause; or

(c)prejudice a political interest or political cause that is legitimate under this Constitution.

(4)A person shall not establish a military, paramilitary, or similar organisation that purports to promote and guarantee national security, except as provided for by this Constitution or an Act of Parliament.

(5)The national security organs are subordinate to civilian authority.

(6)Parliament shall enact legislation to provide for the functions, organisation and administration of the national security organs.

Kiswahili

(1)Baraza la Usalama wa Kitaifa limebuniwa.

(2)Baraza hilo linajumuisha—

(a)Rais;

(b)Naibu wa Rais;

(c)Waziri anayewajibika kuhusu ulinzi;

(d)Waziri anayewajibika kuhusu masuala ya kigeni;

(e)Waziri anayewajibika kuhusu usalama wa ndani;

(f)Mwanasheria Mkuu;

(g)Mkuu wa Vikosi vya Ulinzi wa Kenya;

(h)Mkurugenzi Mkuu wa Huduma za Upelelezi za Kitaifa; na

(i)Inspekta-Jenerali wa Huduma za Polisi za Kitaifa.

(3)Baraza hilo litakuwa na mamlaka ya kusimamia vitengo vya usalama wa kitaifa na kutekeleza majukumu mengine yoyote yatakayotolewa na sheria ya kitaifa.

(4)Rais ataongoza mikutano ya Baraza.

(5)Baraza litateua katibu wake.

(6)Baraza hilo—

(a)litaunganisha sera za humu nchini, za kigeni na za kijeshi zinazohusiana na usalama wa kitaifa ili kuviwezesha vitengo vya usalama wa kitaifa kushirikiana na kufanya kazi kikamilifu; na

(b)litatathmini na kukadiria malengo, kujitolea katika utendakazi, na hatari kwa Jamhuri kwa kuzingatia uwezo halisi na uwezo unaokuzwa, wa usalama wa kitaifa.

(7)Baraza hilo litatoa ripoti kwa Bunge kila mwaka kuhusu hali ya usalama nchini Kenya.

(8)Kwa idhini ya Bunge, Baraza linaweza—

(a)kuvipeleka vikosi vya kitaifa nje ya Kenya kwa madhumuni ya—

(i)kutoa msaada wa kudumisha amani katika eneo hili au kimataifa; au

(ii)shughuli zingine za kutoa msaada; na

(b)kuidhinisha kuletwa kwa vikosi vya kigeni nchini Kenya.

English

Establishment of the National Security Council

(1)There is established a National Security Council.

(2)The Council consists of—

(a)the President;

(b)the Deputy President;

(c)the Cabinet Secretary responsible for defence;

(d)the Cabinet Secretary responsible for foreign affairs;

(e)the Cabinet Secretary responsible for internal security;

(f)the Attorney-General;

(g)the Chief of Kenya Defence Forces;

(h)the Director-General of the National Intelligence Service; and

(i)the Inspector-General of the National Police Service.

(3)The Council shall exercise supervisory control over national security organs and perform any other functions prescribed by national legislation.

(4)The President shall preside at meetings of the Council.

(5)The Council shall appoint its secretary.

(6)The Council shall—

(a)integrate the domestic, foreign and military policies relating to national security in order to enable the national security organs to co-operate and function effectively; and

(b)assess and appraise the objectives, commitments and risks to the Republic in respect of actual and potential national security capabilities.

(7)The Council shall report annually to Parliament on the state of the security of Kenya.

(8)The Council may, with the approval of Parliament—

(a)deploy national forces outside Kenya for—

(i)regional or international peace support operations; or

(ii)other support operations; and

(b)approve the deployment of foreign forces in Kenya.

Kiswahili

(1)Vikosi vya Ulinzi wa Kenya vimebuniwa.

(2)Vikosi hivyo vya Ulinzi vinajumuisha—

(a)Jeshi la Kenya la Nchi Kavu;

(b)Jeshi la Kenya la Anga; na

(c)Jeshi la Kenya la Wanamaji.

(3)Vikosi vya Ulinzi—

(a)vina jukumu la ulinzi wa uhuru na mamlaka ya mipaka ya Jamhuri;

(b)vitasaidia na kushirikiana na mashirika mengine katika hali za dharura au majanga, na kutoa ripoti kwa Bunge la Kitaifa wakati wowote yanapotekeleza shughuli kama hizo; na

(c)vinaweza kupelekwa ili kurejesha amani katika sehemu yoyote nchini Kenya inayokumbwa na machafuko, lakini tu kwa idhini ya Bunge la Kitaifa.

(4)Uongozi katika Vikosi yya Ulinzi utaonyesha utofauti wa kimaeneo na kijamii wa watu wa Kenya.

(5)Baraza la Ulinzi limebuniwa.

(6)Baraza litajumuisha—

(a)Waziri anayewajibika kuhusu ulinzi, ambaye ndiye mwenyekiti;

(b)Mkuu wa Vikosi vya Ulinzi vya Kenya;

(c)makamanda watatu wa vikosi vya ulinzi; na

(d)Katibu Mkuu katika wizara inayowajibika kuhusu ulinzi.

(7)Baraza––

(a)linawajibika katika sera ya kijumla, udhibiti na usimamizi wa Vikosi vya Ulinzi vya Kenya; na

(b)hutekeleza majukumu mengine yoyote yaliyotolewa kwa mujibu wa sheria ya kitaifa.

English

Establishment of Defence Forces and Defence Council

(1)There are established the Kenya Defence Forces.

(2)The Defence Forces consist of—

(a)the Kenya Army;

(b)the Kenya Air Force; and

(c)the Kenya Navy.

(3)The Defence Forces—

(a)are responsible for the defence and protection of the sovereignty and territorial integrity of the Republic;

(b)shall assist and cooperate with other authorities in situations of emergency or disaster, and report to the National Assembly whenever deployed in such circumstances; and

(c)may be deployed to restore peace in any part of Kenya affected by unrest or instability only with the approval of the National Assembly.

(4)The composition of the command of the Defence Forces shall reflect the regional and ethnic diversity of the people of Kenya.

(5)There is established a Defence Council.

(6)The Council consist of—

(a)the Cabinet Secretary responsible for defence, who is the chairperson;

(b)the Chief of the Kenya Defence Forces;

(c)the three commanders of the defence forces; and

(d)the Principal Secretary in the Ministry responsible for defence.

(7)The Council—

(a)is responsible for the overall policy, control, and supervision of the Kenya Defence Forces; and

(b)performs any other functions prescribed by national legislation.

Kiswahili

(1)Huduma ya Upelelezi ya Kitaifa imebuniwa.

(2)Huduma ya Upelelezi ya Kitaifa––

(a)Inawajibika katika upelelezi wa kiusalama na wa kuzuia tishio lolote kwa usalama ili kuboresha usalama wa kitaifa kulingana na Katiba hii; na

(b)hutekeleza majukumu mengine yoyote yaliyotolewa kwa mujibu wa sheria ya kitaifa.

English

Establishment of National Intelligence Service

(1)There is established the National Intelligence Service.

(2)The National Intelligence Service—

(a)is responsible for security intelligence and counter intelligence to enhance national security in accordance with this Constitution; and

(b)performs any other functions prescribed by national legislation.

Kiswahili

(1)Huduma za Polisi za Kitaifa imebuniwa.

(2)Huduma za Polisi za Kitaifa zinajumuisha—

(a)Huduma za Polisi wa Kenya; na

(b)Huduma za Polisi wa Utawala.

(3)Huduma za Polisi za Kitaifa ni huduma za kitaifa ambazo zitatekelezwa kote nchini Kenya.

(4)Bunge litatunga sheria ili kuwezesha utekelezaji wa Kifungu hiki kikamilifu.

English

Establishment of the National Police Service

(1)There is established the National Police Service.

(2)The National Police Service consists of—

(a)the Kenya Police Service; and

(b)the Administration Police Service.

(3)The National Police Service is a national service and shall function throughout Kenya.

(4)Parliament shall enact legislation to give full effect to this Article.

Kiswahili

(1)Huduma za Polisi za Kitaifa—

(a)zitajitahidi kufikia viwango vya juu zaidi vya utaalamu na nidhamu miongoni mwa wanachama wa huduma hizo;

(b)zitazuia ufisadi, na kukuza na kutekeleza uwazi na uwajibikaji;

(c)zitazingatia viwango vya kikatiba vya haki za binadamu na uhuru wa kimsingi;

(d)zitawapa wafanyakazi wake mafunzo kwa viwango vya juu zaidi iwezekanavyo katika ustadi na uadilifu na kuheshimu haki za binadamu, uhuru wa kimsingi na hadhi ya binadamu; na

(e)zitajenga na kukuza mahusiano na jamii.

English

Objects and functions of the National Police Service

The National Police Service shall—

(a)strive for the highest standards of professionalism and discipline among its members;

(b)prevent corruption and promote and practice transparency and accountability;

(c)comply with constitutional standards of human rights and fundamental freedoms;

(d)train staff to the highest possible standards of competence and integrity and to respect human rights and fundamental freedoms and dignity; and

(e)foster and promote relationships with the broader society.

Kiswahili

(1)Ofisi ya Inspekta-Jenerali wa Huduma za Polisi za Kitaifa imebuniwa.

(2)Inspekta-Jenerali––

(a)anateuliwa na Rais kwa idhini ya Bunge; na

(b)atatekeleza uongozi huru katika Huduma za Polisi za Kitaifa na kutekeleza majukumu mengine yoyote yatakayotolewa kwa mujibu wa sheria ya kitaifa.

(3)Huduma za Polisi nchini Kenya na Huduma za Polisi wa Utawala, zitaongozwa na Naibu Inspekta-Jenerali atakayeteuliwa na Rais kulingana na mapendekezo ya Tume ya Huduma za Polisi za Kitaifa.

(4)Waziri anayehusikana na huduma za polisi anaweza kutoa agizo kisheria kwa Inspekta-Jenerali kuhusu suala lolote la sera ya Huduma za Polisi za Kitaifa; lakini hakuna mtu yeyote atakayetoa maelekezo kwa Inspekta-Jenerali kuhusiana na—

(a)uchunguzi wa hatia fulani;

(b)utekelezaji wa sheria dhidi ya mtu au watu fulani; au

(c)kuajiriwa, kutoa majukumu, kupandishwa cheo, kusimamishwa au kufutwa kazi kwa mwanachama yeyote wa Huduma za Polisi za Kitaifa.

(5)Maelekezo yoyote yatakayotolewa na Waziri anayehusikana na huduma za polisi kwa Inspekta-Jenerali chini ya ibara ya (4), au Maelekezo yoyote yatakayotolewa na Mkurugenzi wa Mashtaka ya Umma kwa Inspekta-Jenerali chini ya Kifungu cha 157 (4), yatakuwa kwa njia ya maandishi.

(6)Inspekta-Jenerali atateuliwa ili kuhudumu kwa muhula mmoja wa miaka minne, na hatastahiki kuteuliwa tena.

(7)Inspekta-Jenerali anaweza kuondolewa ofisini na Rais kwenye misingi tu ya—

(a)ukiukaji mkubwa wa Katiba hii au sheria nyingine yoyote, ikijumuisha ukiukaji wa Sura ya Sita;

(b)mwenendo mbaya zaidi katika utekelezaji wa majukumu ya ofisi hiyo au vinginevyo;

(c)kutokuwa na uwezo wa kimwili au kiakili wa kutekeleza majukumu ya ofisi hiyo;

(d)kushindwa kutekeleza majukumu yake ipasavyo;

(e)kufilisika; au

(f)sababu yoyote nyingine yenye haki.

(8)Bunge litatunga sheria ili kuwezesha utekelezaji wa Kifungu hiki kikamilifu.

English

Command of the National Police Service

(1)There is established the office of the Inspector-General of the National Police Service.

(2)The Inspector-General—

(a)is appointed by the President with the approval of Parliament; and

(b)shall exercise independent command over the National Police Service, and perform any other functions prescribed by national legislation.

(3)The Kenya Police Service and the Administration Police Service shall each be headed by a Deputy Inspector-General appointed by the President in accordance with the recommendation of the National Police Service Commission.

(4)The Cabinet secretary responsible for police services may lawfully give a direction to the Inspector-General with respect to any matter of policy for the National Police Service, but no person may give a direction to the Inspector-General with respect to—

(a)the investigation of any particular offence or offences;

(b)the enforcement of the law against any particular person or persons; or

(c)the employment, assignment, promotion, suspension or dismissal of any member of the National Police Service.

(5)Any direction given to the Inspector-General by the Cabinet secretary responsible for police services under clause (4), or any direction given to the Inspector-General by the Director of Public Prosecutions under Article 157(4), shall be in writing.

(6)The Inspector-General shall be appointed for a single four-year term, and is not eligible for re-appointment.

(7)The Inspector-General may be removed from office by the President only on the grounds of—

(a)serious violation of this Constitution or any other law, including a contravention of Chapter Six;

(b)gross misconduct whether in the performance of the office holder’s functions or otherwise;

(c)physical or mental incapacity to perform the functions of office;

(d)incompetence;

(e)bankruptcy; or

(f)any other just cause.

(8)Parliament shall enact legislation to give full effect to this Article.

Kiswahili

(1)Tume ya Huduma za Polisi za Kitaifa imebuniwa.

(2)Tume hiyo inajumuisha—

(a)watu wafuatao, kila mmoja wao akiwa ameteuliwa na Rais—

(i)mtu anayestahiki kuteuliwa kama Jaji wa Mahakama Kuu;

(ii)maafisa wawili wa polisi wa ngazi ya juu waliostaafu; na

(iii)watu watatu waadilifu ambao wamewahi kuhudumia umma kwa umahiri mkubwa;

(b)Inspekta-Jenerali wa Huduma za Polisi za Kitaifa; na

(c)Manaibu wote wawili wa Inspekta-Jenerali wa Huduma za Polisi za Kitaifa.

(3)Tume—

(a)itaajiri na kuteua watu ili kuhudumu au kutoa huduma kwa muda mfupi katika ofisi zilizo kwenye huduma hizo, itaidhinisha uteuzi na kuamua watakaopandishwa vyeo na kuhamishwa katika Huduma za Polisi za Kitaifa;

(b)itazingatia mchakato uliowekwa, itachukua hatua za kinidhamu na kuwaondoa watu wanaohudumu katika ofisi za Huduma hizo; na

(c)itatekeleza majukumu mengine yoyote yatakayotolewa kwa mujibu wa sheria ya kitaifa.

(4)Uajiri na uanachama katika Huduma za Polisi za Kitaifa utaonyesha utofauti wa kimaeneo na kikabila wa wananchi wa Kenya.

English

National Police Service Commission

(1)There is established the National Police Service Commission.

(2)The Commission consists of—

(a)the following persons, each appointed by the President—

(i)a person who is qualified to be appointed as a High Court Judge;

(ii)two retired senior police officers; and

(iii)three persons of integrity who have served the public with distinction;

(b)the Inspector-General of the National Police Service; and

(c)both Deputy Inspectors-General of the National Police Service.

(3)The Commission shall—

(a)recruit and appoint persons to hold or act in offices in the service, confirm appointments, and determine promotions and transfers within the National Police Service;

(b)observing due process, exercise disciplinary control over and remove persons holding or acting in offices within the Service; and

(c)perform any other functions prescribed by national legislation.

(4)The composition of the National Police Service shall reflect the regional and ethnic diversity of the people of Kenya.

Kiswahili

Bunge linaweza kutunga sheria zitakazobuni huduma zingine za polisi chini ya usimamizi wa Huduma za Polisi za Kitaifa na uongozi wa Inspekta-Jenerali wa Huduma hizi.

English

Other police services

Parliament may enact legislation establishing other police services under the supervision of the National Police Service and the command of the Inspector-General of the Service.