Kiswahili
(1)Kila mtu ana haki ya kutaka mzozo wowote unaoweza kusuluhishwa kisheria kuamuliwa katika kikao kilicho wazi na chenye usawa mahakamani au, ikiwezekana, kuamuliwa na taasisi iliyo na mamlaka ya mahakama, iliyo huru na isiyoegemea upande wowote.
(2)Kila mshtakiwa ana haki ya kesi yake kusikizwa kwa njia ya haki, ambayo inajumuisha haki ya—
(a)kuchukuliwa kama asiyekuwa na hatia hadi itakapothibitishwa kuwa ana hatia;
(b)kuarifiwa kuhusu mashtaka na kupewa maelezo ya kutosha na yatakayomwezesha kujibu mashtaka hayo;
(c)kuwa na wakati na vifaa vya kutosha ili kutayarisha jibu;
(d)kesi kusikilizwa kwa njia ya uwazi mbele ya mahakama iliyobuniwa chini ya Katiba hii;
(e)kesi kuanzishwa na kukamilishwa pasi na kuchelewa bila sababu;
(f)kuwepo wakati wa kesi kusikizwa isipokuwa pale ambapo mienendo ya mshtakiwa inatatiza kuendelea kwa kesi hiyo;
(g)kuchagua na kuwakilishwa na wakili, na kuelezwa kuhusu haki hii haraka iwezekanavyo;
(h)kuwa na wakili aliyetolewa na Serikali na kwa gharama ya Serikali, ikiwa haki haitatendeka, na aarifiwe kuhusu haki hii haraka iwezekanavyo;
(i)kunyamaza kimya na kutotoa ushahidi katika usikilizaji wa kesi;
(j)kuelezwa mbeleni kuhusu ushahidi ambao kiongozi wa mashtaka ananuia kutumia, na kuweza kuufikia ushahidi huo;
(k)kuleta na kupinga ushahidi;
(l)kukataa kutoa ushahidi utakaopelekea yeye kupatikana na hatia;
(m)kuwa na usaidizi wa mkalimani bila malipo ikiwa mshtakiwa hawezi kuelewa lugha inayotumiwa katika kesi yake;
(n)kutohukumiwa kwa kitendo ambacho kwa wakati wa kutendeka kwake kitendo hicho hakikuwa—
(i)kosa nchini Kenya; au
(ii)kosa la jinai chini ya sheria ya kimataifa;
(o)kutoshtakiwa kwa kosa ambalo mtu huyo amewahi kutenda, kuachiliwa au kuhukumiwa kwalo hapo awali;
(p)kunufaika katika kupata adhabu iliyo na ukali wa chini zaidi kati ya adhabu zilizoruhusiwa katika kosa hilo ikiwa adhabu iliyoidhinishwa kwa kosa lake imebadilishwa kati ya muda wa kutendeka kwa kosa hilo na wakati wa kuhukumiwa; na
(q)ikiwa atahukumiwa, kukata rufaa au kuwasilisha ombi la kukaguliwa kwa uamuzi huo katika mahakama iliyo katika kiwango cha juu kuliko mahakama iliyotoa uamuzi kama inavyobainishwa na sheria.
(3)Ikiwa Kifungu hiki kinahitaji maelezo au habari kutolewa kwa mtu, maelezo hayo yatatolewa katika lugha ambayo mtu huyo anaelewa.
(4)Ushahidi uliopatikana katika njia inayokiuka haki yoyote au uhuru wowote wa kimsingi katika Sheria za Haki utatengwa ikiwa mahakama kuukubali ushahidi huo kutapelekea kesi hiyo kutozingatia haki, au kwa namna nyingine ushahidi huo utazuia kutendeka kwa haki.
(5)Mshtakiwa—
(a)aliyeshtakiwa kwa kosa fulani, kando na kosa ambalo mahakama inaweza kukamilisha kwa haraka, atakuwa na haki ya kupata nakala ya kumbukumbu ya kesi aombapo nakala hiyo; na
(b)ana haki ya kupata nakala ya kumbukumbu ya kesi ndani ya muda unaofaa baada ya kukamilishwa kwa kesi hiyo, na kwa malipo ya ada inayofaa kama ilivyoagizwa na sheria.
(6)Mtu aliyehukumiwa kwa kosa la jinai anaweza kuwasilisha ombi la kusikizwa upya kwa kesi katika mahakama kuu ikiwa––
(a)rufaa ya mtu huyo imetupiliwa mbali na mahakama ya juu zaidi ambapo mtu huyo ana haki ya kukata rufaa, au ikiwa mtu huyo hakukata rufaa katika muda unaokubaliwa wa kukata rufaa; na
(b)ushahidi mpya na wa kushawishi umepatikana.
(7)Ili haki itendeke, mahakama inaweza kumruhusu mtu tofauti kumsaidia mlalamishi au mshtakiwa ili awasiliane na mahakama.
(8)Kifungu hiki hakizuii kutengwa kwa vyombo vya habari au umma katika kesi yoyote mahakamani, ikiwa kutengwa huko ni muhimu, katika jamii huru na ya kidemokrasia, ili kulinda mashahidi au watu walio hatarini, kulinda maadili, utulivu wa umma, au usalama wa kitaifa.
(9)Bunge litatunga sheria itakayoelezea kuhusu ulinzi, haki na maslahi ya waathiriwa wa hatia.
English
Fair hearing
(1)Every person has the right to have any dispute that can be resolved by the application of law decided in a fair and public hearing before a court or, if appropriate, another independent and impartial tribunal or body.
(2)Every accused person has the right to a fair trial, which includes the right—
(a)to be presumed innocent until the contrary is proved;
(b)to be informed of the charge, with sufficient detail to answer it;
(c)to have adequate time and facilities to prepare a defence;
(d)to a public trial before a court established under this Constitution;
(e)to have the trial begin and conclude without unreasonable delay;
(f)to be present when being tried, unless the conduct of the accused person makes it impossible for the trial to proceed;
(g)to choose, and be represented by, an advocate, and to be informed of this right promptly;
(h)to have an advocate assigned to the accused person by the State and at State expense, if substantial injustice would otherwise result, and to be informed of this right promptly;
(i)to remain silent, and not to testify during the proceedings;
(j)to be informed in advance of the evidence the prosecution intends to rely on, and to have reasonable access to that evidence;
(k)to adduce and challenge evidence;
(l)to refuse to give self-incriminating evidence;
(m)to have the assistance of an interpreter without payment if the accused person cannot understand the language used at the trial;
(n)not to be convicted for an act or omission that at the time it was committed or omitted was not—
(i)an offence in Kenya; or
(ii)a crime under international law;
(o)not to be tried for an offence in respect of an act or omission for which the accused person has previously been either acquitted or convicted;
(p)to the benefit of the least severe of the prescribed punishments for an offence, if the prescribed punishment for the offence has been changed between the time that the offence was committed and the time of sentencing; and
(q)if convicted, to appeal to, or apply for review by, a higher court as prescribed by law.
(3)If this Article requires information to be given to a person, the information shall be given in language that the person understands.
(4)Evidence obtained in a manner that violates any right or fundamental freedom in the Bill of Rights shall be excluded if the admission of that evidence would render the trial unfair, or would otherwise be detrimental to the administration of justice.
(5)An accused person—
(a)charged with an offence, other than an offence that the court may try by summary procedures, is entitled during the trial to a copy of the record of the proceedings of the trial on request; and
(b)has the right to a copy of the record of the proceedings within a reasonable period after they are concluded, in return for a reasonable fee as prescribed by law.
(6)A person who is convicted of a criminal offence may petition the High Court for a new trial if—
(a)the person’s appeal, if any, has been dismissed by the highest court to which the person is entitled to appeal, or the person did not appeal within the time allowed for appeal; and
(b)new and compelling evidence has become available.
(7)In the interest of justice, a court may allow an intermediary to assist a complainant or an accused person to communicate with the court.
(8)This Article does not prevent the exclusion of the press or other members of the public from any proceedings if the exclusion is necessary, in a free and democratic society, to protect witnesses or vulnerable persons, morality, public order or national security.
(9)Parliament shall enact legislation providing for the protection, rights and welfare of victims of offences.