Kuondolewa ofisini kwa mwakilishi wadi katika bunge la kaunti

(1)Afisi ya mwakilishi wadi itakuwa wazi—

(a)ikiwa mwakilishi wadi huyo atafariki dunia;

(b)Ikiwa mwakilishi wadi huyo atakosa kuhudhuria vikao vinane vya bunge bila idhini iliyoandikwa ya spika wa bunge, na hawezi kutoa sababu za kutosheleza kuhusu kutohudhuria huko;

(c)ikiwa mwanachama huyo ameondolewa ofisini vinginevyo chini ya Katiba hii au chini ya sheria iliyotungwa chini ya Kifungu cha 80;

(d)Ikiwa mwakilishi wadi huyo atajiuzulu kwa kumwandikia spika wa bunge la kaunti;

(e)ikiwa baada ya kuchaguliwa katika bunge la kaunti––

(i)kama mwanachama wa chama cha kisiasa, mwakilishi wadi huyo atajiuzulu kutoka chama hicho, au ikiwa atachukuliwa kuwa amejiuzulu kulingana na sheria

(ii)inavyobainishwa katika ibara ya (2); au

(iii)kama mgombea huru, mwanachama huyo atajiunga na chama cha kisiasa;

(f)mwishoni mwa muhula wa bunge hilo la kaunti; au

(g)ikiwa mwakilishi wadi huyo hatastahiki kuchaguliwa kwenye misingi iliyobainiwa katika Kifungu cha 193 (2).

(2)Bunge litatunga sheria litakalotoa hali ambazo mwanachama wa chama cha kisiasa atachukuliwa kuwa amejiuzulu kutoka chama hicho, kwa madhumuni ya ibara ya (1) (e).