Kushiriki kwa umma na mamlaka, haki maalum na kinga dhidi ya mashtaka kwa bunge la kaunti

(1)Bunge la kaunti—

(a)litaendesha shughuli zake kwa uwazi, na kufanya vikao vyake na vya kamati zake hadharani; na

(b)litawezesha ushiriki wa umma katika kutunga sheria na katika shughuli zingine za bunge hilo na za kamati zake.

(2)Bunge la kaunti halitazuia umma, au vyombo vya habari, kuhudhuria kikao chochote isipokuwa katika hali maalum ambayo spika wa bunge ameamua kwamba kuna sababu zinazotosheleza za kufanya hivyo.

(3)Bunge la kitaifa litatunga sheria itakayotoa mwongozo kuhusu mamlaka, haki maalum na kinga dhidi ya mashtaka kwa mabunge ya kaunti na wanachama wake.