Tume ya Huduma kwa Walimu

(1)Tume ya Huduma kwa Walimu limebuniwa.

(2)Majukumu ya Tume hiyo ni—

(a)kuwasajili walimu waliopata mafunzo;

(b)kuajiri walimu waliosajiliwa;

(c)kuwatuma walimu walioajiriwa na Tume hiyo ili wahudumu katika shule au taasisi yoyote ya umma;

(d)kuwapandisha vyeo na kuwahamisha walimu;

(e)kuchukua hatua za kinidhamu dhidi ya walimu; na

(f)kuwafuta kazi walimu.

(3)Tume hiyo––

(a)itakagua viwango vya elimu na mafunzo ya watu wanaojiunga na huduma ya ualimu;

(b)itakagua hitaji la walimu na idadi ya walimu waliopo; na

(c)itashauri serikali ya kitaifa kuhusu masuala yanayohusiana na taaluma ya ualimu.