Haki za watu walio kizuizini, waliokamatwa au waliofungwa gerezani

(1)Mtu yeyote aliyezuiliwa, kukamatwa au kufungwa gerezani kisheria, ana haki zote na uhuru wote wa kimsingi katika Haki za Sheria, isipokuwa iwe kwamba haki au uhuru wowote wa kimsingi hauambatani kamwe na hali kuzuiliwa, kukamatwa au kufungwa gerezani kwa mtu huyo.

(2)Mtu aliyezuiliwa au kukamatwa ana haki ya kuwasilisha ombi la kutolewa kwa amri ya yeye kufikishwa mahakamani.

(3)Bunge litatunga sheria ambayo––

(a)inaagiza kuwa walio kizuizini, waliokamatwa au waliofungwa gerezani wapewe hadhi yao ya kibinadamu; na

(b)inazingatia mikataba ya kimataifa inayohusiana na haki za binadamu.