Jamii za watu wachache na za watu waliotengwa

Serikali itaweka programu za hatua sawazishi zilizokusudiwa kuhakikisha kwamba vikundi vya watu wachache waliotengwa na kubaguliwa—

(a)vinashiriki na kuwakilishwa katika uongozi na katika nyanja zote za maisha;

(b)vinapewa nafasi maalum katika nyanja za elimu na uchumi;

(c)vinapewa nafasi maalum katika upataji wa ajira;

(d)vinakuza tamaduni zao, lugha na desturi zao; na

(e)vinapata maji, huduma za afya na miundombinu.