Sheria ya uchaguzi

(1)Bunge litatunga sheria ya kutoa mwongozo katika—

(a)ugawaji wa maeneo ya upigaji kura wa Tume Huru ya Uchaguzi na Mipaka kwa sababu ya uchaguzi wa wabunge katika Bunge la Kitaifa na wawakilishi wadi katika bunge za kaunti;

(b)uteuzi wa wagombea viti;

(c)usajili unaoendelea wa raia kama wapiga kura;

(d)usimamizi wenye ufanisi na udhibiti katika uchaguzi na kura za maoni, ikijumuisha uteuzi wa wagombea katika uchaguzi; na

(e)usajili unaoendelea wa raia wanaoishi nje ya Kenya kama wapiga kura, na utekelezaji unaoendelea wa haki zao za kupiga kura.

(2)Sheria inayotakiwakatika ibara ya (1) (d) itahakikisha kwamba upigaji kura katika kila uchaguzi ni—

(a)rahisi;

(b)wenye uwazi; na

(c)unazingatia mahitaji maalumu ya—

(i)watu wenye ulemavu; na

(ii)watu wengine au jamii za watu walio na mahitaji maalum.