Katiba ya Kenya, 2010

Sura ya Kwanza

Mamlaka ya Wananchi na Ukuu wa Katiba Hii

Mamlaka ni ya wananchi wa Kenya, na Katiba hii ndiyo sheria kuu.

Vifungu 1–3 · vifungu 3

Kif.1

Mamlaka ya wananchi

Kiswahili

(1)Mamlaka yote makuu ni ya wananchi wa Kenya na yanaweza kutekelezwa tu kulingana na Katiba hii.

(2)Wananchi wanaweza kutekeleza mamlaka yao kwa njia ya moja kwa moja au kupitia wawakilishi wao waliochaguliwa kidemokrasia.

(3)Mamlaka ya wananchi katika Katiba hii yamepeanwa kwa idara za Serikali, ambazo zitafanya kazi zao kulingana na Katiba hii –

(a)Bunge la Kitaifa na mabunge katika serikali za kaunti;

(b)serikali ya kitaifa na mifumo ya serikali katika kaunti; na

(c)Idara ya Mahakama na mahakama huru ya ngazi ya chini.

(4)Mamlaka makuu ya wananchi yanatekelezwa katika––

(a)Ngazi ya kitaifa; na

(b)Ngazi yakaunti.

English

Sovereignty of the people

(1)All sovereign power belongs to the people of Kenya and shall be exercised only in accordance with this Constitution.

(2)The people may exercise their sovereign power either directly or through their democratically elected representatives.

(3)Sovereign power under this Constitution is delegated to the following State organs, which shall perform their functions in accordance with this Constitution—

(a)Parliament and the legislative assemblies in the county governments;

(b)the national executive and the executive structures in the county governments; and

(c)the Judiciary and independent tribunals.

(4)The sovereign power of the people is exercised at—

(a)the national level; and

(b)the county level.

Kif.2

Ukuu wa Katiba Hii

Kiswahili

(1)Katiba hii ndio sheria kuu ya Jamhuri na inapaswa kufuatwa na watu wote na idara zote za Serikali katika ngazi zote mbili za serikali.

(2)Hakuna mtu anayeweza kudai kuwa na mamlaka au kutumia mamlaka ya Serikali ila tu kwa njia iliyoidhinishwa chini ya Katiba hii.

(3)Uhalali au uthabiti wa Katiba hii hauwezi kupingwa na au mbele ya mahakama yoyote au idara yoyote ya Serikali.

(4)Sheria yoyote, ikijumuisha sheria ya mila na tamaduni, ambayo haiambatani na Katiba hii ni batili kwa kiwango cha ukinzani huo, na tendo lolote au kutotenda kunakokiuka Katiba hii ni batili.

(5)Sheria za kijumla za kimataifa zitakuwa sehemu ya sheria za Kenya.

(6)Mkataba au maagano yoyote ambayo yataidhinishwa na Kenya yatakuwa sehemu ya sheria za Kenya chini ya Katiba hii.

English

Supremacy of this Constitution

(1)This Constitution is the supreme law of the Republic and binds all persons and all State organs at both levels of government.

(2)No person may claim or exercise State authority except as authorised under this Constitution.

(3)The validity or legality of this Constitution is not subject to challenge by or before any court or other State organ.

(4)Any law, including customary law, that is inconsistent with this Constitution is void to the extent of the inconsistency, and any act or omission in contravention of this Constitution is invalid.

(5)The general rules of international law shall form part of the law of Kenya.

(6)Any treaty or convention ratified by Kenya shall form part of the law of Kenya under this Constitution.

Kif.3

Kutetea Katiba Hii

Kiswahili

(1)Kila mtu ana jukumu la kuiheshimu, kuitetea na kuilinda Katiba hii.

(2)Jaribio lolote la kubuni Serikali bila kufuata Katiba hii ni kinyume cha sheria.

English

Defence of this Constitution

(1)Every person has an obligation to respect, uphold and defend this Constitution.

(2)Any attempt to establish a government otherwise than in compliance with this Constitution is unlawful.

Maandishi: Tafsiri ya Kiswahili ya Katiba ya Kenya, 2010, iliyochapishwa na Uraia kwa kutumia chapisho la Halmashauri ya Kitaifa ya Kuripoti Maswala ya Sheria (27 Agosti 2010). Ikiwa kuna utata wowote kuhusu tafsiri, nakala ya Kiingereza ndiyo rasmi.

Huu ni msaada wa kusoma, si ushauri wa kisheria. Kwa swali la kisheria, ongea na wakili. Umeona kosa? Ripoti marekebisho