The Legislature

English

(1)There is established a Parliament of Kenya, which shall consist of the National Assembly and the Senate.

(2)The National Assembly and the Senate shall perform their respective functions in accordance with this Constitution.

Kiswahili

Muhula wa Mabunge

(1)Mabunge ya Kenya yameundwa, na yatajumuisha Bunge la Kitaifa na Seneti.

(2)Bunge la Kitaifa na Seneti yatatekeleza majukumu yao kulingana na Katiba hii.

English

(1)The legislative authority of the Republic is derived from the people and, at the national level, is vested in and exercised by Parliament.

(2)Parliament manifests the diversity of the nation, represents the will of the people, and exercises their sovereignty.

(3)Parliament may consider and pass amendments to this Constitution, and alter county boundaries as provided for in this Constitution.

(4)Parliament shall protect this Constitution and promote the democratic governance of the Republic.

(5)No person or body, other than Parliament, has the power to make provision having the force of law in Kenya except under authority conferred by this Constitution or by legislation.

(6)An Act of Parliament, or legislation of a county, that confers on any State organ, State officer or person the authority to make provision having the force of law in Kenya, as contemplated in clause (5), shall expressly specify the purpose and objectives for which that authority is conferred, the limits of the authority, the nature and scope of the law that may be made, and the principles and standards applicable to the law made under the authority.

Kiswahili

Jukumu la Mabunge

(1)Mamlaka ya utungaji wa sheria ya Jamhuri yametolewa na wananchi, na katika kiwango cha kitaifa, yamekabidhiwa kwa Bunge, na yanatekelezwa na Bunge.

(2)Bunge linadhihirisha utofauti wa taifa, linawakilisha matakwa ya wananchi, na linatekeleza mamlaka yao makuu.

(3)Bunge linaweza kuangalia kikamilifu na kupitisha marekebisho katika Katiba hii, na kubadilisha mipaka ya kaunti kama inavyoelezewa katika Katiba hii;

(4)Bunge litalinda Katiba hii na kukuza utawala wa kidemokrasia katika Jamhuri hii.

(5)Hakuna mtu yeyote au shirika lolote, isipokuwa Bunge, ambalo lina mamlaka ya kutoa maagizo au masharti ambayo yana nguvu za kisheria nchini Kenya isipokuwa chini ya mamlaka yaliyotolewa na Katiba hii au kupitia kwa sheria.

(6)Sheria ya Bunge, au sheria ya kaunti, inayotoa mamlaka kwa idara yoyote ya Serikali, afisa wa Serikali, au mtu yeyote ili kutunga sheria ambayo ina nguvu za kisheria nchini Kenya, kama inavyokusudiwa katika Ibara ya (5), itaeleza bayana malengo na madhumuni ya kutolewa kwa mamlaka hayo, mipaka ya mamlaka hayo, hali na upeo wa sheria ambazo zinaweza kutungwa, na kanuni na viwango vya ubora vinavyotumika katika sheria iliyotungwa chini ya mamlaka hayo.

English

(1)The National Assembly represents the people of the constituencies and special interests in the National Assembly.

(2)The National Assembly deliberates on and resolves issues of concern to the people.

(3)The National Assembly enacts legislation in accordance with Part 4 of this Chapter.

(4)The National Assembly—

(a)determines the allocation of national revenue between the levels of government, as provided in Part 4 of Chapter Twelve;

(b)appropriates funds for expenditure by the national government and other national State organs; and

(c)exercises oversight over national revenue and its expenditure.

(5)The National Assembly—

(a)reviews the conduct in office of the President, the Deputy President and other State officers and initiates the process of removing them from office; and

(b)exercises oversight of State organs.

(6)The National Assembly approves declarations of war and extensions of states of emergency.

Kiswahili

Jukumu la Bunge la Kitaifa

(1)Bunge la Kitaifa linawakilisha watu walio katika maeneobunge na walio na maslahi maalum katika Bunge la Kitaifa.

(2)Bunge la Kitaifa hushauriana kuhusu maswala yenye umuhimu kwa wananchi na kuyasuluhisha.

(3)Bunge la Kitaifa hutunga sheria kwa kuzingatia Sehemu ya 4 ya Sura hii.

(4)Bunge la Kitaifa––

(a)huamua jinsi ya kugawa mapato ya kitaifa kati ya ngazi za Serikali, kama inavyobainishwa katika Sehemu ya 4 ya Sura ya Kumi na Mbili;

(b)hugawa fedha kwa matumizi ya serikali ya kitaifa na vitengo vingine vya Serikali vya kitaifa; na

(c)(c) hufuatilia uwajibikaji katika mapato ya kitaifa pamoja na matumizi yake.

(5)Bunge la Kitaifa—

(a)hukagua utendakazi katika ofisi ya Rais, ya Naibu Rais na maafisa wengine wa Serikali na huanzisha mchakato wa kuwaondoa ofisini; na

(b)hufuatilia uwajibikaji wa vitengo vya Serikali.

(6)Bunge la Kitaifa huidhinisha matangazo ya vita na kuongezwa kwa muda katika hali za hatari.

English

(1)The Senate represents the counties, and serves to protect the interests of the counties and their governments.

(2)The Senate participates in the law-making function of Parliament by considering, debating and approving Bills concerning counties, as provided in Articles 109 to 113.

(3)The Senate determines the allocation of national revenue among counties, as provided in Article 217, and exercises oversight over national revenue allocated to the county governments.

(4)The Senate participates in the oversight of State officers by considering and determining any resolution to remove the President or Deputy President from office in accordance with Article 145.

Kiswahili

Jukumu la Seneti

(1)Seneti inawakilisha kaunti na inahudumu ili kulinda maslahi ya kaunti na ya serikali za kaunti hizo.

(2)Seneti hushiriki katika jukumu la Bunge la kutunga sheria kwa kutathmini, kujadiliana, kuidhinisha Miswada inayohusu kaunti, kama ilivyobainishwa katika Vifungu vya 109 hadi 113.

(3)Seneti huamua jinsi ya kugawa mapato ya kitaifa miongoni mwa kaunti kama ilivyobainishwa katika Kifungu cha 217, na hufuatilia uwajibikaji katika mapato ya kitaifa yaliyogawa katika serikali za kaunti.

(4)Seneti hushiriki katika uwajibikaji wa maafisa wa Serikali kwa kuzingatia na kutoa maamuzi kuhusu hoja ya kumwondoa Rais au Naibu wa Rais kutoka ofisini kulingana na Kifungu cha 145.

English

(1)The National Assembly consists of—

(a)two hundred and ninety members, each elected by the registered voters of single member constituencies;

(b)forty-seven women, each elected by the registered voters of the counties, each county constituting a single member constituency;

(c)twelve members nominated by parliamentary political parties according to their proportion of members of the National Assembly in accordance with Article 90, to represent special interests including the youth, persons with disabilities and workers; and

(d)the Speaker, who is an ex officio member.

(2)Nothing in this Article shall be construed as excluding any person from contesting an election under clause (1) (a).

Kiswahili

Uanachama wa Bunge la Kitaifa

(1)Bunge la Kitaifa linajumuisha—

(a)wabunge mia mbili tisini, kila mmoja wao akiwa amechaguliwa na wapigakura waliosajiliwa katika maeneobunge yanayotoa mbunge mmoja kwa kila eneobunge;

(b)wanawake arobaini na saba, kila mmoja wao akiwa amechaguliwa na wapiga kura waliosajiliwa katika kaunti, kila kaunti ikiwa na eneobunge linalotoa mbunge mmoja;

(c)wabunge kumi na wawili walioteuliwa na vyama vya kisiasa vya bunge kulingana na idadi ya wabunge wa vyama hivyo katika Bunge la Kitaifa kwa mujibu wa Kifungu cha 90, ili kuwakilisha maslahi ya watu maalum ikijumuisha vijana, watu wenye ulemavu na wafanyakazi; na

(d)Spika, ambaye ni mwanachama aliyechaguliwa na wabunge.

(2)Hakuna chochote katika Kifungu hiki kinachoweza kufasiriwa kama cha kumzuia mtu yeyote katika kugombea uchaguzi chini ya ibara ya (1) (a).

English

(1)The Senate consists of—

(a)forty-seven members each elected by the registered voters of the counties, each county constituting a single member constituency;

(b)sixteen women members who shall be nominated by political parties according to their proportion of members of the Senate elected under clause (a) in accordance with Article 90;

(c)two members, being one man and one woman, representing the youth;

(d)two members, being one man and one woman, representing persons with disabilities; and

(e)the Speaker, who shall be an ex officio member.

(2)The members referred to in clause (1) (c) and (d) shall be elected in accordance with Article 90.

(3)Nothing in this Article shall be construed as excluding any person from contesting an election under clause (1) (a).

Kiswahili

Uanachama wa Seneti

(1)Seneti inajumuisha—

(a)wanachama arobaini na saba, kila mmoja wao akiwa amechaguliwa na wapiga kura waliosajiliwa katika kaunti, na kila kaunti ikiwa na eneobunge linalowakilishwa na mbunge mmoja;

(b)wanawake kumi na sita watakaoteuliwa na vyama vya kisiasa kulingana na idadi ya maseneta wao katika Seneti waliochaguliwa chini ya ibara ya (a) kulingana na Kifungu cha 90;

(c)wanachama wawili, wakiwa mwanamume mmoja na mwanamke mmoja, wanaowawakilisha vijana;

(d)wanachama wawili, wakiwa mwanamume mmoja na mwanamke mmoja, wanaowawakilisha watu wenye ulemavu; na

(e)Spika, ambaye atakuwa mwanachama aliyechaguliwa na maseneta katika Seneti.

(2)Wanachama waliotajwa katika ibara ya (1) (c) na (d) watachaguliwa kulingana na Kifungu cha 90.

(3)Hakuna chochote katika Kifungu hiki kinachoweza kufasiriwa kama cha kumzuia mtu yeyote katika kugombea uchaguzi chini ya ibara ya (1) (a).

English

(1)Unless disqualified under clause (2), a person is eligible for election as a member of Parliament if the person—

(a)is registered as a voter;

(b)satisfies any educational, moral and ethical requirements prescribed by this Constitution or by an Act of Parliament; and

(c)is nominated by a political party, or is an independent candidate who is supported—

(i)in the case of election to the National Assembly, by at least one thousand registered voters in the constituency; or

(ii)in the case of election to the Senate, by at least two thousand registered voters in the county.

(2)A person is disqualified from being elected a member of Parliament if the person—

(a)is a State officer or other public officer, other than a member of Parliament;

(b)has, at any time within the five years immediately preceding the date of election, held office as a member of the Independent Electoral and Boundaries Commission;

(c)has not been a citizen of Kenya for at least the ten years immediately preceding the date of election;

(d)is a member of a county assembly;

(e)is of unsound mind;

(f)is an undischarged bankrupt;

(g)is subject to a sentence of imprisonment of at least six months, as at the date of registration as a candidate, or at the date of election; or

(h)is found, in accordance with any law, to have misused or abused a State office or public office or in any way to have contravened Chapter Six.

(3)A person is not disqualified under clause (2) unless all possibility of appeal or review of the relevant sentence or decision has been exhausted.

Kiswahili

Ustahiki au kutostahiki katika kuchaguliwa kama mbunge

(1)Isipokuwa kwa sababu za kutostahiki chini ya ibara ya (2), mtu yeyote anastahiki kuchaguliwa kama mwanachama wa Bunge la Kitaifa au Seneti ikiwa mtu huyo—

(a)amesajiliwa kama mpiga kura;

(b)anatosheleza mahitaji yoyote ya kielimu, ya kimaadili na ya uadilifu ambayo yanahitajika katika Katiba hii au katika Sheria; na

(c)ameteuliwa na chama cha kisiasa, au ni mgombeaji huru ambaye anaungwa mkono––

(i)na angalau wapiga kura elfu moja waliosajiliwa katika eneobunge, katika uchaguzi wa Bunge la Kitaifa; na

(ii)na angalau wapiga kura elfu mbili waliosajiliwa katika kaunti, katika uchaguzi wa Seneti.

(2)Mtu hastahiki kuchaguliwa kama mwanachama wa Bunge la Kitaifa au Seneti ikiwa mtu huyo—

(a)ni afisa wa Serikali au afisa wa umma, isipokuwa awe mwanachama wa Bunge la Kitaifa au Seneti;

(b)alihudumu kama afisa katika Tume Huru ya Uchaguzi na Mipakakatika kipindi cha miaka mitano iliyopita kabla ya tarehe ya uchaguzi;

(c)hajakuwa raia wa Kenya kwa angalau miaka kumi iliyopita kabla ya tarehe ya uchaguzi;

(d)ni mwakilishi wadi katika bunge la kaunti;

(e)hana akili timamu;

(f)amefilisika;

(g)anakabiliwa na hukumu ya kifungo cha miezi sita gerezani katika tarehe ya kusajiliwa kama mgombeaji, au katika tarehe ya uchaguzi; au

(h)amepatikana, kwa mujibu wa sheria yoyote, kutumia vibaya mamlaka ya ofisi ya Serikali au ya umma, au kwa njia yoyote kukiuka kanuni za Sura ya Sita.

(3)Mtu hazuiliwi kugombea chini ya ibara ya (2) isipokuwa tu pale ambapo uwezekano wote wa rufaa au kukaguliwa kwa kifungo au uamuzi husika umekwisha.

English

Parliament shall enact legislation to promote the representation in Parliament of—

(a)women;

(b)persons with disabilities;

(c)youth;

(d)ethnic and other minorities; and

(e)marginalised communities.

Kiswahili

Kukuza uwakilishi wa jamii zilizotengwa

Bunge litatunga sheria ili kukuza uwakilishaji Bungeni wa—

(a)wanawake;

(b)watu wenye ulemavu;

(c)vijana;

(d)vikundi vya watu wa kikabila na vya walio wachache; na

(e)jamii zilizotengwa.

English

(1)A general election of members of Parliament shall be held on the second Tuesday in August in every fifth year.

(2)Whenever a vacancy occurs in the office of a member of the National Assembly under Article 97 (1) (c), or of the Senate under Article 98 (1) (b), (c) or (d), the respective Speaker shall, within twenty-one days of the occurrence of the vacancy, give notice in writing of the vacancy to—

(a)the Independent Electoral and Boundaries Commission; and

(b)the political party on whose party list the member was elected or nominated.

(3)A vacancy referred to in clause (2) shall, subject to clause (5), be filled in the manner prescribed by an Act of Parliament within twenty-one days of the notification by the respective Speaker.

(4)Whenever a vacancy occurs in the office of a member of the National Assembly elected under Article 97 (1) (a) or (b), or of the Senate elected under Article 98 (1) (a)—

(a)the respective Speaker shall, within twenty-one days after the occurrence of the vacancy, give notice in writing of the vacancy to the Independent Electoral and Boundaries Commission; and

(b)a by-election shall be held within ninety days of the occurrence of the vacancy, subject to clause (5).

(5)A vacancy referred to in clause (4) shall not be filled within the three months immediately before a general election.

Kiswahili

Uchaguzi wa wabunge

(1)Uchaguzi mkuu wa wabunge katika Bunge la Kitaifa na katika Seneti utafanyika katika Jumanne ya pili ya mwezi wa Agosti katika kila mwaka wa tano.

(2)Panapotokea nafasi katika ofisi ya mbunge katika Bunge la Kitaifa chini ya Kifungu cha 97 (1) (c), au katika Seneti chini ya Kifungu cha 98 (1) (b), (c) au (d), Spika anayehusika atatoa notisi ya nafasi hiyo kwa njia ya maandishi ndani ya siku ishirini na moja za kutokea kwa nafasi hiyo, na notisi hiyo itatolewa kwa maandishi kuhusu nafasi hiyo ya kazi kwa—

(a)Tume Huru ya Uchaguzi na Mipaka; na

(b)chama cha kisiasa ambacho kupitia kwa orodha ya chama hicho, mwanachama huyo alichaguliwa au kuteuliwa.

(3)Nafasi hiyo iliyotajwa katika ibara ya (2), kwa kuzingatia ibara ya (5), itajazwa kwa namna iliyoagizwa na Sheria ya Bunge ndani ya siku ishirini na moja baada ya Spika anayehusika kuarifu kuhusu nafasi hiyo.

(4)Panapotokea nafasi ya kazi katika ofisi ya mwanachama wa Bunge la Kitaifa aliyechaguliwa chini ya Kifungu cha 97 (1) (a) au (b), au wa Seneti aliyechaguliwa chini ya Kifungu cha 98 (1) (a)—

(a)Spika anayehusika, katika muda wa siku ishirini na moja baada ya kutokea kwa nafasi hiyo, atatoa notisi kwa njia ya maandishi kuhusu nafasi hiyo kwa kuiandikia Tume Huru ya Uchaguzi na Mipaka; na

(b)uchaguzi mdogo utafanyika katika muda wa siku tisini baada ya kutokea kwa nafasi hiyo, lakini kwa kuzingatia ibara ya (5).

(5)Nafasi iliyotajwa katika ibara ya (4) haitajazwa katika kipindi cha miezi mitatu kabla ya uchaguzi mkuu.

English

(1)The term of each House of Parliament expires on the date of the next general election.

(2)When Kenya is at war, Parliament may, by resolution supported in each House by at least two-thirds of all the members of the House, from time to time extend the term of Parliament by not more than six months at a time.

(3)The term of Parliament shall not be extended under clause (2) for a total of more than twelve months.

Kiswahili

Muhula wa Bunge

(1)Muhula wa kila Bunge la Kitaifa na Seneti unamalizika katika tarehe ya uchaguzi mkuu unaofuata..

(2)Kenya ikiwa vitani, kwa uamuzi unaoungwa mkono na angalau wabunge wasiopungua thuluthi mbili ya wabunge wote katika kila kitengo cha bunge, Bunge linaweza kuongeza kipindi cha Bunge kwa muda usiozidi miezi sita kwa wakati huo.

(3)Muhula wa bunge hautaongezwa kwa jumla ya zaidi ya miezi kumi na miwili chini ya ibara ya (2).

English

(1)The office of a member of Parliament becomes vacant—

(a)if the member dies;

(b)if, during any session of Parliament, the member is absent from eight sittings of the relevant House without permission, in writing, from the Speaker, and is unable to offer a satisfactory explanation for the absence to the relevant committee;

(c)if the member is otherwise removed from office under this Constitution or legislation enacted under Article 80;

(d)if the member resigns from Parliament in writing to the Speaker;

(e)if, having been elected to Parliament—

(i)as a member of a political party, the member resigns from that party or is deemed to have resigned from the party as determined in accordance with the legislation contemplated in clause (2); or

(ii)as an independent candidate, the member joins a political party;

(f)at the end of the term of the relevant House; or

(g)if the member becomes disqualified for election to Parliament under Article 99 (2) (d) to (h).

(3)Parliament shall enact legislation providing for the circumstances under which a member of a political party shall be deemed, for the purposes of clause (1) (e), to have resigned from the party.

Kiswahili

Mbunge kuondoka ofisini

(1)Kiti cha Mbunge kitakuwa wazi—

(a)ikiwa mwakilishi wadi huyo atafariki dunia;

(b)ikiwa, katika kipindi chochote cha vikao vya Bunge, mwanachama huyo hajahudhuria vikao vinane vya kitengo cha bunge husika bila ruhusa ya Spika wa kitengo chake cha bunge kwa njia ya maandishi, na ameshindwa kutoa sababu ya kuridhisha kwa kamati husika kuhusu kutohudhuria kwake;

(c)ikiwa mwanachama huyo ameondolewa ofisini vinginevyo chini ya Katiba hii au chini ya sheria iliyotungwa chini ya Kifungu cha 80;

(d)ikiwa mbunge huyo atajiuzulu kwa kumwandikia barua Spika;

(e)ikiwa, baada ya kuchaguliwa katika Bunge––

(i)kama mwanachama katika chama cha kisiasa, mwanachama huyo ajiuzulu kutoka kwa chama hicho au achukuliwe kuwa amejiuzulu kutoka kwa chama hicho kama inavyobainishwa kulingana na sheria inayozingatiwa katika ibara ya (2); au

(ii)kama mgombea huru, mwanachama huyo atajiunga na chama cha kisiasa;

(f)baada ya kukamilika kwa muhula wa Bunge husika; au

(g)ikiwa mbunge huyo hatastahiki tena kuchaguliwa katika uchaguzi wa Bunge chini ya Kifungu cha 99 (2) (d) hadi (h).

(2)Bunge litatunga sheria litakalotoa hali ambazo mwanachama wa chama cha kisiasa atachukuliwa kuwa amejiuzulu kutoka chama hicho, kwa madhumuni ya ibara ya (1) (e).

English

(1)The electorate under Articles 97 and 98 have the right to recall the member of Parliament representing their constituency before the end of the term of the relevant House of Parliament.

(2)Parliament shall enact legislation to provide for the grounds on which a member may be recalled and the procedure to be followed.

Kiswahili

Haki ya kumwondoa mbunge mamlakani

(1)Wapiga kura chini ya Vifungu vya 97 na 98, wana haki ya kumwondoa mamlakani mbunge anayewakilisha eneobunge lao kabla ya kukamilika kwa muhula wa kitengo husika cha Bunge.

(2)Bunge litatunga sheria itakayotoa sababu ambazo zinaweza kupelekea kuondolewa kwa mwanachama wa bunge na taratibu itakayofuatwa.

English

(1)The High Court shall hear and determine any question whether—

(a)a person has been validly elected as a member of Parliament; or

(b)the seat of a member has become vacant.

(2)A question under clause (1) shall be heard and determined within six months of the date of lodging the petition.

(3)Parliament shall enact legislation to give full effect to this Article.

Kiswahili

Uamuzi katika maswali yanayohusiana na uanachama

(1)Mahakama Kuu itasikiliza na kutoa maamuzi katika swali lolote kuhusu—

(a)ikiwa mtu amechaguliwa kama mbunge kwa njia halali; au

(b)ikiwa kiti cha mbunge kimekuwa wazi.

(2)Ombi chini ya ibara ya (1) itasikilizwa na kuamuliwa katika muda wa miezi sita kutoka tarehe ya kuwasilishwa kwa ombi au malalamiko hayo.

(3)Bunge litatunga sheria ili kuwezesha utekelezaji wa Kifungu hiki kikamilifu.

English

(1)There shall be—

(a)a Speaker for each House of Parliament, who shall be elected by that House in accordance with the Standing Orders, from among persons who are qualified to be elected as members of Parliament but are not such members; and

(b)a Deputy Speaker for each House of Parliament, who shall be elected by that House in accordance with the Standing Orders, from among the members of that House.

(2)The office of Speaker or Deputy Speaker shall become vacant —

(a)when a new House of Parliament first meets after an election;

(b)if the office holder, as a member of the relevant House, vacates office under Article 103;

(c)if the relevant House so resolves by resolution supported by the votes of at least two-thirds of its members; or

(d)if the office holder resigns from office in a letter addressed to the relevant House.

Kiswahili

Maspika na Manaibu Spika wa Bunge

(1)Kutakuwepo—

(a)Spika wa kila kitengo cha Bunge, atakayechaguliwa na Kitengo hicho kulingana na Kanuni za Vikao vya Bunge, kutoka miongoni mwa watu wanaostahiki kuchaguliwa kama wanachama wa Bunge lakini ambao sio wabunge; na

(b)Naibu Spika katika kila Kitengo cha Bunge, atakayechaguliwa na Kitengo hicho kutoka miongoni mwa wabunge katika Kiengo hicho kulingana na Kanuni za Vikao vya Bunge.

(2)Kiti cha Spika au Naibu wa Spika kitakuwa wazi—

(a)wakati Kitengo cha Bunge kipya kitakapokutana kwa mara ya kwanza baada ya uchaguzi;

(b)ikiwa anayehudumu, kama mwanachama wa Kitengo husika, ataondoka ofisini chini ya Kifungu cha 103;

(c)ikiwa Kitengo husika kitaamua, kwa uamuzi ulioungwa mkono na kura za angalau wabunge wasiopungua thuluthi mbili; au

(d)ikiwa anayehudumu atajiuzulu kwa kukiandikia barua Kitengo husika.

English

(1)At any sitting of a House of Parliament—

(a)the Speaker presides;

(b)in the absence of the Speaker, the Deputy Speaker presides; and

(c)in the absence of the Speaker and the Deputy Speaker, another member of the House elected by the House presides.

(2)At a joint sitting of the Houses of Parliament, the Speaker of the National Assembly shall preside, assisted by the Speaker of the Senate.

Kiswahili

Kuongoza Vikao Bungeni

(1)Katika kikao chochote cha Kitengo cha Bunge—

(a)Spika ndiye anayeongoza;

(b)ikiwa Spika hayupo, Naibu wa Spika ataongoza; na

(c)Spika na Naibu Spika wasipokuwepo, mwanachama mwingine wa Kitengo hicho aliyechaguliwa na Kitengo hicho ataongoza;

(2)Katika kikao cha pamoja kati ya Vitengo vya Bunge, Spika wa Bunge la Kitaifa ataongoza, akisaidiwa na Spika wa Bunge la Seneti.

English

(1)There shall be a leader of the majority party and a leader of the minority party.

(2)The leader of the majority party shall be the person who is the leader in the National Assembly of the largest party or coalition of parties.

(3)The leader of the minority party shall be the person who is the leader in the National Assembly of the second largest party or coalition of parties.

(4)The following order of precedence shall be observed in the National Assembly—

(a)the Speaker of the National Assembly;

(b)the leader of the majority party; and

(c)the leader of the minority party.

Kiswahili

Viongozi wa vyama

(1)Kutakuwa na kiongozi wa chama cha walio wengi na kiongozi wa chama cha walio wachache.

(2)Kiongozi wa chama cha walio wengi au kiongozi wa walio wengi bungeni kutokana na muungano wa vyama, ndiye atakayekuwa kiongozi wa chama kikubwa zaidi au muungano mkubwa zaidi katika Bunge la Kitaifa

(3)Kiongozi wa walio wachache ndiye atakayekuwa kiongozi wa chama cha pili kwa ukubwa au muungano wa pili kwa ukubwa katika Bunge la Kitaifa.

(4)Utaratibu ufuatao utazingatiwa katika Bunge la Kitaifa––

(a)Spika wa Bunge la Kitaifa;

(b)kiongozi wa chama cha walio wengi; na

(c)kiongozi wa chama cha walio wachache.

English

(1)Parliament shall exercise its legislative power through Bills passed by Parliament and assented to by the President.

(2)Any Bill may originate in the National Assembly.

(3)A Bill not concerning county government is considered only in the National Assembly, and passed in accordance with Article 122 and the Standing Orders of the Assembly.

(4)A Bill concerning county government may originate in the National Assembly or the Senate, and is passed in accordance with Articles 110 to 113, Articles 122 and 123 and the Standing Orders of the Houses.

(5)A Bill may be introduced by any member or committee of the relevant House of Parliament, but a money Bill may be introduced only in the National Assembly in accordance with Article 114.

Kiswahili

Matumizi ya mamlaka ya kutunga sheria

(1)Bunge litatekeleza mamlaka yake ya kutunga sheria kupitia kwa Miswada itakayopitishwa Bungeni na kuidhinishwa na Rais.

(2)Mswada wowote unaweza kutoka kwa Bunge la Kitaifa.

(3)Mswada usiohusu serikali za kaunti utazingatiwa tu katika Bunge la Kitaifa, na kupitishwa kulingana na Kifungu cha 122 na Kanuni za Vikao vya Bunge.

(4)Mswada unaohusu serikali za kaunti unaweza kutoka kwa Bunge la Kitaifa au Seneti, na utapitishwa kulingana na Vifungu vya 109 hadi 113, Vifungu vya 122 hadi 123 na Kanuni za Vikao vya Bunge.

(5)Mswada unaweza kuwasilishwa na mwanachama yeyote au kamati yoyote ya Kitengo husika cha Bunge, lakini Mswada unaohusu fedha unaweza kuwasilishwa tu katika Bunge la Kitaifa kwa mujibu wa Kifungu cha 114.

English

(1)In this Constitution, “a Bill concerning county government” means—

(a)a Bill containing provisions affecting the functions and powers of the county governments set out in the Fourth Schedule;

(b)a Bill relating to the election of members of a county assembly or a county executive; and

(c)a Bill referred to in Chapter Twelve affecting the finances of county governments.

(2)A Bill concerning county governments is—

(a)a special Bill, which shall be considered under Article 111, if it —

(i)relates to the election of members of a county assembly or a county executive; or

(ii)is the annual County Allocation of Revenue Bill referred to in Article 218; or

(b)an ordinary Bill, which shall be considered under Article 112, in any other case.

(3)Before either House considers a Bill, the Speakers of the National Assembly and Senate shall jointly resolve any question as to whether it is a Bill concerning counties and, if it is, whether it is a special or an ordinary Bill.

(4)When any Bill concerning county government has been passed by one House of Parliament, the Speaker of that House shall refer it to the Speaker of the other House.

(5)If both Houses pass the Bill in the same form, the Speaker of the House in which the Bill originated shall, within seven days, refer the Bill to the President for assent.

Kiswahili

Miswada kuhusu serikali za kaunti

(1)Katika Katiba hii, “Mswada unaohusu serikali ya kaunti” inamaanisha––

(a)Mswada ulio na vifungu vinavyohusu majukumu na mamlaka ya serikali za kaunti zilizotajwa katika Ambatisho la Nne;

(b)Mswada unaohusu uchaguzi wa wawakilishi wadi au wanachama katika kitengo cha utendaji cha serikali ya kaunti; na

(c)Mswada uliorejelewa katika Sura ya Kumi na Mbili unaohusu fedha za serikali za kaunti.

(2)Mswada unaohusu serikali za kaunti ni––

(a)Mswada maalum ambao utazingatiwa chini ya Kifungu cha 111, ikiwa –

(i)unahusiana na uchaguzi wa wawakilishi wadi katika bunge la kaunti au wanachama wa kitengo cha utendaji cha serikali ya kaunti; au

(ii)ni Mswada wa Mgao wa Mapato ya Kaunti wa kila mwaka uliotajwa katika Kifungu cha 218; au

(b)mswada wa kawaida ambao utazingatiwa chini ya Kifungu cha 112 katika hali nyingine yoyote.

(3)Kabla ya mojawapo ya vitengo vya Bunge kutathmini Mswada, Maspika wa Bunge la Kitaifa na Seneti kwa pamoja watasuluhisha suala lolote kuhusu ikiwa Mswada huo unahusu kaunti na ikiwa unahusu kaunti, kama ni Mswada maalum au ni wa kawaida.

(4)Mswada wowote unaohusu serikali ya kaunti unapopitishwa na Kitengo kimoja cha Bunge, Spika wa Kitengo hicho atamtumia Spika wa Kitengo hicho kingine Mswada huo.

(5)Ikiwa Vitengo vyote viwili vitaupitisha Mswada huo kwa hali sawa, Spika wa Kitengo ambacho kilitoa Mswada huo, ataupeleka kwa Rais katika muda wa siku saba ili uidhinishwe.

English

(1)A special Bill concerning a county government shall proceed in the same manner as an ordinary Bill concerning county government, subject to clauses (2) and (3).

(2)The National Assembly may amend or veto a special Bill that has been passed by the Senate only by a resolution supported by at least two-thirds of the members of the Assembly.

(3)If a resolution in the National Assembly to amend or veto a special Bill fails to pass, the Speaker of the Assembly shall, within seven days, refer the Bill, in the form adopted by the Senate, to the President for assent.

Kiswahili

Miswada maalum inayohusu serikali za kaunti

(1)Mswada maalum unaohusu serikali ya kaunti utashughulikiwa kwa namna sawa na Mswada wa kawaida unaohusu serikali za kaunti, lakini kwa kuzingatia ibara ya (2) na (3).

(2)Bunge la Kitaifa linaweza kurekebisha au kutupilia mbali Mswada maalum uliopitishwa na Seneti kwa uamuzi tu ulioungwa mkono na angalau thuluthi mbili ya wabunge katika Bunge la Kitaifa.

(3)Ikiwa uamuzi wa kurekebisha au kutupilia mbali Mswada maalum utakosa kupitishwa katika Bunge la Kitaifa, Spika wa Bunge ataupeleka Mswada huo, kwa hali iliyopitishwa na Seneti, kwa Rais katika muda wa siku saba ili uidhinishwe.

English

(1)If one House passes an ordinary Bill concerning counties, and the second House—

(a)rejects the Bill, it shall be referred to a mediation committee appointed under Article 113; or

(b)passes the Bill in an amended form, it shall be referred back to the originating House for reconsideration.

(2)If, after the originating House has reconsidered a Bill referred back to it under clause (1) (b), that House—

(a)passes the Bill as amended, the Speaker of that House shall refer the Bill to the President within seven days for assent; or

(b)rejects the Bill as amended, the Bill shall be referred to a mediation committee under Article 113.

Kiswahili

Miswada ya kawaida inayohusu serikali za kaunti

(1)Ikiwa Kitengo kimoja kitapitisha Mswada wa kawaida kuhusu kaunti, na Kitengo cha pili––

(a)kiukatae Mswada huo, basi utapelekwa katika kamati ya upatanishi chini ya Kifungu cha 113; au

(b)kiupitishe Mswada huo baada ya kuurekebisha, utarejeshwa kwa Kitengo kilichoutoa Mswada huo mwanzoni, ili kutathminiwa tena.

(2)Ikiwa, baada ya Kitengo kilichotoa Mswada huo kuutathmini tena chini ya ibara ya (1) (b), Kitengo hicho––

(a)kitaupitisha Mswada kama ulivyorekebishwa, Spika wa Kitengo hicho ataupeleka kwa Rais katika muda wa siku saba ili uidhinishwe; au

(b)kitaukataa Mswada huo kama ulivyorekebishwa, Mswada huo utatumwa kwa kamati ya upatanishi chini ya Kifungu cha 113.

English

(1)If a Bill is referred to a mediation committee under Article 112, the Speakers of both Houses shall appoint a mediation committee consisting of equal numbers of members of each House to attempt to develop a version of the Bill that both Houses will pass.

(2)If the mediation committee agrees on a version of the Bill, each House shall vote to approve or reject that version of the Bill.

(3)If both Houses approve the version of the Bill proposed by the mediation committee, the Speaker of the National Assembly shall refer the Bill to the President within seven days for assent.

(4)If the mediation committee fails to agree on a version of the Bill within thirty days, or if a version proposed by the committee is rejected by either House, the Bill is defeated.

Kiswahili

Kamati za upatanishi

(1)Ikiwa Mswada utatumwa kwa kamati ya upatanishi chini ya Kifungu cha 112, Maspika wa Vitengo vyote viwili watateua kamati ya upatanishi itakayohusisha idadi sawa ya wanachama wa Vitengo vyote viwili ili kujaribu kutengeneza toleo jingine la Mswada litakalopitishwa na Vitengo vyote viwili.

(2)Ikiwa kamati ya upatanishi itakubali toleo la Mswada huo, kila Kitengo kitapiga kura ili kupitisha au kukataa toleo hilo la Mswada.

(3)Ikiwa Vitengo vyote viwili vitaidhinisha toleo hilo la Mswada lililopendekezwa na kamati ya upatanishi, Spika wa Bunge la Kitaifa atautuma Mswada huo kwa Rais katika siku saba ili uidhinishwe.

(4)Ikiwa kamati ya upatanishi itakosa kuafikiana kuhusu toleo hilo la Mswada katika kipindi cha muda wa siku thelathini, au iwapo toleo hilo lililopendekezwa na kamati litakataliwa na mojawapo ya Vitengo vya Bunge, basi Mswada huo utakuwa umeshindwa.

English

(1)A money Bill may not deal with any matter other than those listed in the definition of “ a money Bill” in clause (3).

(2)If, in the opinion of the Speaker of the National Assembly, a motion makes provision for a matter listed in the definition of “a money Bill”, the Assembly may proceed only in accordance with the recommendation of the relevant Committee of the Assembly after taking into account the views of the Cabinet Secretary responsible for finance.

(3)In this Constitution, “a money Bill” means a Bill, other than a Bill specified in Article 218, that contains provisions dealing with—

(a)taxes;

(b)the imposition of charges on a public fund or the variation or repeal of any of those charges;

(c)the appropriation, receipt, custody, investment or issue of public money;

(d)the raising or guaranteeing of any loan or its repayment; or

(e)matters incidental to any of those matters.

(4)In clause (3), “tax”, “public money”, and “loan” do not include any tax, public money or loan raised by a county.

Kiswahili

Miswada ya Fedha

(1)Mswada wa fedha hauwezi kushughulikia suala lingine lolote isipokuwa tu yale ambayo yameorodheshwa katika ufafanuzi wa “Mswada wa fedha” katika ibara ya (3).

(2)ikiwa, kwa maoni ya Spika wa Bunge la Kitaifa, hoja linatoa mwongozo kwa suala lililotajwa katika ufafanuzi wa “Mswada wa fedha”, Bunge linaweza kuendelea tu kwa mujibu wa mapendekezo ya kamati husika ya Bunge baada ya kuzingatia maoni ya Waziri wa fedha.

(3)Katika Katiba hii, ‘Mswada wa fedha’ unamaanisha, kando na Mswada uliotajwa katika Kifungu cha 218, Mswada ambao unahusu-—

(a)ushuru;

(b)Kutozwa kwa malipo katika hazina ya umma au ubadilishaji au kuondolewa kwa mojawapo ya malipo hayo;

(c)kugawa, kupokea, kutunza, kuwekeza au kutoa pesa za umma;

(d)kutafuta au kudhamini mkopo wowote au ulipaji wake; au

(e)maswala yanayohusiana na maswala yaliyotajwa hapo juu.

(4)katika ibara ya (3), “ushuru”, “fedha za umma”, na “mkopo”, hazijumuishi ushuru wowote, fedha za umma au mkopo uliochukuliwa na kaunti.

English

(1)Within fourteen days after receipt of a Bill, the President shall—

(a)assent to the Bill; or

(b)refer the Bill back to Parliament for reconsideration by Parliament, noting any reservations that the President has concerning the Bill.

(2)If the President refers a Bill back for reconsideration, Parliament may, following the appropriate procedures under this Part —

(a)amend the Bill in light of the President’s reservations; or

(b)pass the Bill a second time without amendment.

(3)If Parliament amendeds the Bill fully accommodating the President’s reservations, the appropriate Speaker shall re-submit it to the President for assent.

(4)Parliament, after considering the President’s reservations, may pass the Bill a second time, without amendment, or with amendments that do not fully accommodate the President’s reservations, by a vote supported—

(a)by two-thirds of members of the National Assembly; and

(b)two-thirds of the delegations in the Senate, if it is a Bill that requires the approval of the Senate.

(5)If Parliament has passed a Bill under clause (4)—

(a)the appropriate Speaker shall within seven days re-submit it to the President; and

(b)the President shall within seven days assent to the Bill.

(6)If the President does not assent to a Bill or refer it back within the period prescribed in clause (1), or assent to it under (5) (b), the Bill shall be taken to have been assented to on the expiry of that period.

Kiswahili

Idhini na rufaa ya rais

(1)Katika siku kumi na nne baada ya kupokea Mswada, Rais—

(a)atauidhinisha Mswada huo; au

(b)ataurejesha Mswada Bungeni ili kujadiliwa upya na Bunge huku likizingatia sababu zozote alizonazo Rais kuhusu mswada huo.

(2)Ikiwa Rais ataurejesha Mswada bungeni ili ujadiliwe tena, Bunge, kwa kuzingatia taratibu zinazofaa chini ya Sehemu hii, linaweza—

(a)kuurekebisha Mswada huo kwa kuzingatia sababu alizotoa Rais; au

(b)kuupitisha Mswada huo kwa mara ya pili bila kufanya marekebisho.

(3)Ikiwa Bunge litarekebisha Mswada huo na kuzingatia mapendekezo ya Rais kikamilifu, Spika anayehusika atauwasilisha tena Mswada huo kwa Rais ili auidhinishe.

(4)baada ya kuzingatia sababu za Rais, linaweza kuupitisha Mswada huo kwa mara ya pili bila marekebisho au na marekebisho ambayo hayazingatii kikamilifu hoja zilizotolewa na Rais, kwa kura ambayo itaungwa mkono na—

(a)thuluthi mbili ya wabunge katika Bunge la Kitaifa; na

(b)thuluthi mbili ya wawakilishi katika Seneti, ikiwa ni Mswada unaohitaji idhini ya Seneti.

(5)Ikiwa Bunge litapitisha Mswada chini ya ibara ya (4)—

(a)Spika wa Bunge husika atawasilisha tena Mswada huo kwa Rais katika siku saba; na

(b)Rais atauidhinisha Mswada huo ndani ya siku saba.

(6)Ikiwa Rais hatauidhinisha Mswada huo au kuurejesha kwa wakati unaopendekezwa katika Ibara ya (1), au kuuidhinisha chini ya ibara ya (5) (b), Mswada huo utachukuliwa kuwa umeidhinishwa ifikiapo mwisho wa kipindi hicho.

English

(1)A Bill passed by Parliament and assented to by the President shall be published in the Gazette as an Act of Parliament within seven days after assent.

(2)Subject to clause (3), an Act of Parliament comes into force on the fourteenth day after its publication in the Gazette, unless the Act stipulates a different date on or time at which it will come into force.

(3)An Act of Parliament that confers a direct pecuniary interest on members of Parliament shall not come into force until after the next general election of members of Parliament.

(4)Clause (3) does not apply to an interest that members of Parliament have as members of the public.

Kiswahili

Sheria kuanza kutumika

(1)Mswada uliopitishwa na Bunge na kuidhinishwa na Rais, utachapishwa katika Gazeti Rasmi la Serikali kama Sheria ya Bunge katika muda wa siku saba baada ya kuidhinishwa.

(2)Kwa kuzingatia ibara ya (3), Sheria ya Bunge inaanza kutekelezwa baada ya siku ya kumi na nne ya kuchapishwa kwake katika Gazeti Rasmi la Serikali, isipokuwa Sheria inapotoa tarehe au wakati tofauti wa kuanza kutekelezwa kwake.

(3)Sheria ya Bunge ambayo moja kwa moja inahusiana na maslahi ya kifedha ya wabunge haitatekelezwa hadi baada ya uchaguzi mkuu ya wanachama wa Bunge utakaofuata.

(4)Ibara ya (3) haitumiki kwa maslahi waliyonayo wanachama wa Bunge wakiwa kama wananchi.

English

(1)There shall be freedom of speech and debate in Parliament.

(2)Parliament may, for the purpose of the orderly and effective discharge of the business of Parliament, provide for the powers, privileges and immunities of Parliament, its committees, the leader of the majority party, the leader of the minority party, the chairpersons of committees and members.

Kiswahili

Mamlaka, haki maalum na kinga dhidi ya mashtaka

(1)Kutakuwa na uhuru wa kujieleza na majadiliano katika Bunge.

(2)(2) Bunge linaweza, kwa madhumuni ya uendeshaji bora wa shughuli za bunge, kutoa mamlaka, haki maalum na kinga dhidi ya mashtaka kwa Bunge, kamati zake, kiongozi wa chama cha walio wengi, kiongozi wa chama cha walio wachache, wenyeviti wa kamati na wanachama.

English

(1)Parliament shall—

(a)conduct its business in an open manner, and its sittings and those of its committees shall be open to the public; and

(b)facilitate public participation and involvement in the legislative and other business of Parliament and its committees.

(2)Parliament may not exclude the public, or any media, from any sitting unless in exceptional circumstances the relevant Speaker has determined that there are justifiable reasons for the exclusion.

Kiswahili

Ufikiaji na kushiriki kwa umma

(1)Bunge—

(a)litaendesha shughuli zake kwa njia wazi, na vikao vyake na vya kamati zake vitakuwa wazi kwa umma; na

(b)litawezesha kushiriki na kuhusishwa kwa umma katika shughuli za kutunga sheria na shughuli zingine za Bunge na kamati zake.

(2)Bunge halitazuia umma au vyombo vyovyote vya habari dhidi ya kuhudhuria kikao chochote isipokuwa katika hali za kipekee ambazo Spika anayehusika ataamua kwamba kuna sababu za kuridhisha kuzuia umma au vyombo vya habari.

English

(1)Every person has a right to petition Parliament to consider any matter within its authority, including to enact, amend or repeal any legislation.

(2)Parliament shall make provision for the procedure for the exercise of this right.

Kiswahili

Haki ya kuwasilisha ombi kwa Bunge

(1)Kila mtu ana haki ya kuwasilisha ombi au malalamishi kwa Bunge ili lishughulikie suala lolote lililo katika mamlaka yake ikijumuisha kurekebisha au kutupilia mbali sheria yoyote.

(2)Bunge litatoa mwongozo kuhusu taratibu za kutekeleza haki hii.

English

(1)The official languages of Parliament shall be Kiswahili, English and Kenyan Sign language, and the business of Parliament may be conducted in English, Kiswahili and Kenyan Sign language.

(2)In case of a conflict between different language versions of an Act of Parliament, the version signed by the President shall prevail.

Kiswahili

Lugha rasmi za Bunge

(1)Lugha rasmi za mabunge zitakuwa Kiswahili, Kiingereza na Lugha ya Ishara ya Kenya, na shughuli za maunge zinaweza kuendeshwa kwa Kiingereza, Kiswahili na kwa Lugha ya Ishara ya Kenya.

(2)Iwapo tafsiri tofauti za lugha katika matoleo ya Sheria ya Bunge zitakinzana, toleo la tafsiri lililotiwa saini na Rais ndilo litakalotumika.

English

The quorum of Parliament shall be––

(a)fifty members, in the case of the National Assembly; or

(b)fifteen members, in the case of the Senate.

Kiswahili

Idadi ya wabunge inayohitajika katika kila kikao

(1)Idadi inayohitajika ili Bunge lifanye kikao itakuwa––

(a)wabunge hamsini katika Bunge la Kitaifa; au

(b)wanachama kumi na watano katika Seneti.

English

(1)Except as otherwise provided in this Constitution, any question proposed for decision in either House of Parliament shall be determined by a majority of the members in that House, present and voting.

(2)On a question proposed for decision in either House—

(a)the Speaker has no vote; and

(b)in the case of a tie, the question is lost.

(3)A member shall not vote on any question in which the member has a pecuniary interest.

(4)In reckoning the number of members of a House of Parliament for any purpose of voting in that House, the Speaker of that House shall not be counted as a member.

Kiswahili

Kupiga Kura Bungeni

(1)Suala lolote litakalopendekezwa ili kuamuliwa katika mojawapo ya Vitengo vya Bunge, litaamuliwa na walio wengi katika Kitengo hicho, ambao wamehudhuria na kupiga kura, isipokuwa Katiba inapoagiza vinginevyo.

(2)Katika swali linalopendekezwa ili kuamuliwa katika mojawapo ya Vitengo vya Bunge—

(a)Spika hatapiga kura; na

(b)iwapo kura zitakuwa sawa katika pande zote, swali hilo litakuwa limeshindwa.

(3)Mwanachama hatapigia kura suala lolote ambalo ana maslahi ya kifedha kwalo.

(4)Katika kubaini idadi ya wanachama katika Kitengo cha Bunge kwa madhumuni yoyote ya upigaji kura katika Kitengo hicho, Spika wa Kitengo hicho hatahesabiwa kama mwanachama.

English

(1)On election, all the members of the Senate who were registered as voters in a particular county shall collectively constitute a single delegation for purposes of clause (4) and the member elected under Article 98 (1) (a) shall be the head of the delegation.

(2)When the Senate is to vote on any matter other than a Bill, the Speaker shall rule on whether the matter affects or does not affect counties.

(3)When the Senate votes on a matter that does not affect counties, each senator has one vote.

(4)Except as provided otherwise in this Constitution, in any matter in the Senate affecting counties—

(a)each county delegation shall have one vote to be cast on behalf of the county by the head of the county delegation or, in the absence of the head of the delegation, by another member of the delegation designated by the head of the delegation;

(b)the person who votes on behalf of a delegation shall determine whether or not to vote in support of, or against, the matter, after consulting the other members of the delegation; and

(c)the matter is carried only if it is supported by a majority of all the delegations.

Kiswahili

Maamuzi ya Seneti

(1)Katika uchaguzi, wanachama wote wa Seneti ambao walikuwa wamesajiliwa kama wapiga kura katika kaunti fulani kwa pamoja watachukuliwa kama mjumbe mmoja kwa madhumuni ya ibara ya (4) na mwanachama aliyechaguliwa chini ya Kifungu cha (98) (1)(a) atakuwa kiongozi wa wajumbe hao.

(2)Seneti itakapopiga kura kuhusu suala lolote isipokuwa Mswada, Spika ataamua iwapo suala hilo linaathiri au haliathiri kaunti.

(3)Seneti inapopiga kura kuhusu suala ambalo haliathiri kaunti, kila seneta atakuwa na kura moja.

(4)Isipokuwa mwongozo utolewe vinginevyo katika Katiba hii, kwa suala lolote katika Seneti linalohusu kaunti—

(a)kila wajumbe wa kaunti watakuwa na kura moja itakayopigwa na kiongozi wa wajumbe hao kwa niaba ya, na endapo kiongozi wa wajumbe hao hayuko, kura itapigwa na mjumbe mwingine mmoja kati ya wajumbe hao ambaye ameteuliwa na kiongozi wa wajumbe hao;

(b)mtu ambaye atapiga kura kwa niaba ya wajumbe hao ataamua ikiwa atapiga kura kwa kuunga mkono au kutounga mkono suala hilo, baada ya kushauriana na wajumbe; au

(c)suala litakuwa limepitishwa ikiwa tu litaungwa mkono na wajumbe walio wengi.

English

(1)Each House of Parliament may establish committees, and shall make Standing Orders for the orderly conduct of its proceedings, including the proceedings of its committees.

(2)Parliament may establish joint committees consisting of members of both Houses and may jointly regulate the procedure of those committees.

(3)The proceedings of either House are not invalid just because of—

(a)a vacancy in its membership; or

(b)the presence or participation of any person not entitled to be present at, or to participate in, the proceedings of the House.

(4)When a House of Parliament considers any appointment for which its approval is required under this Constitution or an Act of Parliament—

(a)the appointment shall be considered by a committee of the relevant House;

(b)the committee’s recommendation shall be tabled in the House for approval; and

(c)the proceedings of the committee and the House shall be open to the public.

Kiswahili

Kamati na Sheria Zinazosimamia Vikao vya Bunge

(1)Kila Kitengo cha Bunge kinaweza kubuni kamati, na kitaweka Kanuni za Vikao vya Bunge ili kuendesha vikao kwa utaratibu, ikijumuisha vikao vya kamati za kitengo hicho.

(2)Bunge linaweza kubuni kamati za pamoja zinazojumuisha wanachama wa Vitengo vyote viwili vya Bunge na inaweza kudhibiti kwa pamoja utaratibu wa kamati hizo.

(3)Vikao vya Kitengo chochote cha Bunge havifanywi kuwa haramu kwa sababu tu ya—

(a)nafasi katika uanachama wake; au

(b)kuwepo au kushiriki kwa mtu yeyote asiyepaswa kuwepo au kushiriki katika vikao hivyo vya Kitengo hicho.

(4)Kitengo cha Bunge kinapozingatia uteuzi wowote ambao kuidhinishwa kwake kunahitajika chini ya Katiba hii au Sheria ya Bunge––

(a)uteuzi huo utashughulikiwa na kamati husika ya Bunge;

(b)mapendekezo ya kamati yatawasilishwa katika Kitengo hicho cha Bunge ili kuidhinishwa; na

(c)vikao vya kamati na vya Bunge vitakuwa wazi kwa umma.

English

(1)Either House of Parliament, and any of its committees, has power to summon any person to appear before it for the purpose of giving evidence or providing information.

(2)For the purposes of clause (1), a House of Parliament and any of its committees has the same powers as the High Court—

(a)to enforce the attendance of witnesses and examine them on oath, affirmation or otherwise;

(b)to compel the production of documents; and

(c)to issue a commission or request to examine witnesses abroad.

Kiswahili

Mamlaka ya kuitisha ushahidi

(1)Kitengo chochote cha Bunge, na yoyote kati ya kamati zake, kina uwezo wa kumwita mtu yeyote kwa kusudi la kutoa ushahidi au maelezo mbele yake;

(2)Kwa madhumuni ya ibara ya (1), Kitengo cha Bunge na yoyote kati ya kamati zake kina mamlaka sawa na Mahakama Kuu—

(a)ya kuhakikisha kuwa mashahidi wamehudhuria na kuwahoji chini ya kiapo, uthibitisho au vinginevyo;

(b)kuhitaji utoaji wa hati kwa lazima; na

(c)kutoa agizo au ombi la kuwahoji mashahidi walio nje ya taifa.

English

(1)A sitting of either House may be held at any place within Kenya and may commence at any time that the House appoints.

(2)Whenever a new House is elected, the President, by notice in the Gazette, shall appoint the place and date for the first sitting of the new House, which shall be not more than thirty days after the election.

Kiswahili

Eneo la vikao vya Bunge

(1)Vikao vya Kitengo chochote cha Bunge vinaweza kufanyiwa sehemu yoyote nchini Kenya, na kuanza kwa wakati wowote utakaoteuliwa na Bunge.

(2)Kila kutakapochaguliwa Bunge jipya, Rais, kwa kutoa notisi katika Gazeti Rasmi la Serikali, atateua mahali na tarehe ya kikao cha kwanza cha Bunge jipya, ambayo haitakuwa zaidi ya siku thelathini baada ya uchaguzi mkuu.

English

(1)There is established the Parliamentary Service Commission.

(2)The Commission consists of—

(a)the Speaker of the National Assembly, as chairperson;

(b)a vice-chairperson elected by the Commission from the members appointed under paragraph (c);

(c)seven members appointed by Parliament from among its members of whom—

(i)four shall be nominated equally from both Houses by the party or coalition of parties forming the national government, of whom at least two shall be women; and

(ii)three shall be nominated by the parties not forming the national government, at least one of whom shall be nominated from each House and at least one of whom shall be a woman; and

(d)one man and one woman appointed by Parliament from among persons who are experienced in public affairs, but are not members of Parliament.

(3)The Clerk of the Senate shall be the Secretary to the Commission.

(4)A member of the Commission shall vacate office—

(a)if the person is a member of Parliament—

(i)at the end of the term of the House of which the person is a member; or

(ii)if the person ceases to be a member of Parliament; or

(b)if the person is an appointed member, on revocation of the person’s appointment by Parliament.

(5)Despite clause (4), when the term of a House of Parliament ends, a member of the Commission appointed under clause (2) (c) shall continue in office until a new member has been appointed in the member’s place by the next House.

(6)The Commission is responsible for—

(a)providing services and facilities to ensure the efficient and effective functioning of Parliament;

(b)constituting offices in the parliamentary service, and appointing and supervising office holders;

(c)preparing annual estimates of expenditure of the parliamentary service and submitting them to the National Assembly for approval, and exercising budgetary control over the service;

(d)undertaking, singly or jointly with other relevant organisations, programmes to promote the ideals of parliamentary democracy; and

(e)performing other functions—

(i)necessary for the well-being of the members and staff of Parliament; or

(ii)prescribed by national legislation.

Kiswahili

Tume ya Huduma za Bunge

(1)Tume ya Huduma za Bunge Imebuniwa.

(2)Tume hiyo inajumuisha—

(a)Spika wa Bunge la Kitaifa, kama mwenyekiti;

(b)naibu mwenyekiti aliyechaguliwa na Tume kutoka kwa wanachama walioteuliwa kwa mujibu wa kifungu cha (c);

(c)wanachama saba walioteuliwa na Bunge kutoka miongoni mwa wabunge na ambao—

(i)wanne watateuliwa kwa usawa na chama au muungano wa vyama vinavyounda serikali ya kitaifa vilivyo katika Bunge na ambao angalau wawili kati yao watakuwa wanawake; na

(ii)watatu watateuliwa na vyama visivyo kwenye serikali ya kitaifa, angalau mmoja akiteuliwa kutoka kila Kitengo cha Bunge, na angalau mmoja wao akiwa mwanamke; na

(d)Mwanaume mmoja na mwanamke mmoja aliyeteuliwa na Bunge kutoka miongoni mwa watu ambao sio wabunge lakini wana uzoefu mkubwa katika masuala ya umma.

(3)Karani wa Seneti atakuwa Katibu wa Tume hiyo.

(4)Mwanachama wa Tume ataondoka ofisini—

(a)ikiwa mtu huyo ni Mbunge—

(i)baada ya kukamilika kwa muhula wa Kitengo cha Bunge ambacho mtu huyo alikuwa mbunge;

(ii)ikiwa mtu huyo atawacha kuwa Mbunge; au

(b)ikiwa mtu huyo ni mbunge mteule, baada ya kuondolewa kwa uteuzi wake na Bunge.

(5)Licha ya Ibara ya (4), muhula wa Kitengo cha Bunge unapokwisha, mwanachama wa Tume aliyeteuliwa kwa mujibu wa ibara ya (2) (c) ataendelea kuhudumu ofisini hadi mwanachama mwingine atakapoteuliwa na Bunge litakalofuata ili kuchukua nafasi yake.

(6)Tume ina jukumu la—

(a)kutoa huduma na msaada ili kufanikisha utendakazi bora na wenye ufanisi wa Bunge;

(b)kubuni ofisi katika huduma ya Bunge, na kuteua na kuwasimamia wanaohudumu katika ofisi hizo;

(c)kutayarisha makadirio ya matumizi ya fedha ya kila mwaka katika huduma za Bunge la Kitaifa na kuyawasilisha kwa Bunge la Kitaifa, na kudhibiti bajeti kuhusu huduma hizo;

(d)Kuanzisha kibinafsi au kwa pamoja na mashirika husika, mipango ya kukuza maadili ya demokrasia ya bunge; na

(e)kutekeleza majukumu mengine—

(i)ambayo ni muhimu kwa manufaa ya wabunge na wafanyakazi wa Bunge; au

(ii)yatakayotolewa na sheria ya kitaifa.

English

(1)There shall be a Clerk for each House of Parliament, appointed by the Parliamentary Service Commission with the approval of the relevant House.

(2)The offices of the Clerks and offices of members of the staff of the Clerks shall be offices in the Parliamentary Service.

Kiswahili

Makarani na wafanyakazi wa Bunge

(1)Kutakuwa na Karani katika kila Kitengo cha Bunge, atakayeteuliwa na Tume ya Huduma za Bunge kupitia kwa idhini ya Kitengo cha Bunge kinachohusika.

(2)Ofisi za Makarani na ofisi za wafanyakazi wa Makarani zitakuwa ofisi katika Huduma ya Bunge. Sehemu 1—Kanuni na Muundo wa Kitengo cha Utendaji cha Serikali ya Kitaifa.