Utangulizi

Sisi, watu wa Kenya,

TUNATAMBUA ukuu wa Mwenyezi Mungu muumba wa vyote:

TUNAWAHESHIMU mashujaa waliojitoa mhanga kuleta uhuru na haki nchini mwetu:

TUNAJIVUNIA tofauti zetu za kikabila, kitamaduni na kidini na tukiazimia kuishi kwa amani na umoja tukiwa taifa moja huru:

TUNATHAMINI mazingira, ambayo ndiyo urithi wetu na tukiazimia kuyadumisha kwa manufaa ya vizazi vijavyo:

TUNAJITOLEA kukuza na kuhifadhi maslahi ya mtu binafsi, familia, jamii na taifa:

TUNATAMBUA matarajio ya Wakenya wote ya serikali iliyo na misingi bora ya maadili ya haki za binadamu, usawa, uhuru, demokrasia, haki za kijamii na utawala wa kisheria:

TUNATUMIA uhuru wetu na haki yetu ya kuamua aina ya uongozi katika nchi yetu na tukiwa tumeshiriki kikamilifu katika kuiunda Katiba hii: TUNAIKUBALI,

TUNAIPITISHA, na kujipatia sisi wenyewe na vizazi vijavyo, Katiba hii.

MUNGU IBARIKI KENYA