Kimemramba Mackenzie, sasa yuko kwenye tanuri ya moto
Originally published by Taifa Leo — Read the original article →
MAHAKAMA Kuu jana ilimpata mhubiri matata Paul Mackenzie na washukiwa wenzake 30 na hatia ya kushirikiana, kutekeleza na kudumisha mfungo uliosababisha vifo vya mamia ya watoto na watu wazima katika msitu wa Shakahola, Kilifi.
Katika uchambuzi wake wa mashtaka 191 ya mauaji, Jaji Diana Kavedza alisema vifo hivyo vilisababishwa na vitendo na uzembe usio halali wa watu waliotekeleza na kudumisha mfungo huo, badala ya kuwa matokeo yasiyokusudiwa ya shughuli za kidini.
