Natembeya, Ruto wakabana koo shughuli zikikwama Kitale
Election
Originally published by Taifa Leo — Read the original article →
MVUTANO kati ya Rais William Ruto na Gavana wa Trans Nzoia, George Natembeya kuhusu kutenga vibanda katika Soko la Masinde Muliro, Kitale, ulichacha jana huku polisi wakitumwa kulinda usalama na wafanyabiashara wakilalamikia kupoteza mapato.
Maafisa wenye silaha kutoka Kikosi cha Kukabili Fujo (GSU) na Polisi wa Utawala (AP) walitumwa katikati ya mji wa Kitale, huku baadhi ya barabara zikifungwa na wafanyabiashara kufunga maduka yao kutokana na hofu ya ghasia.
