Nairobi yatahadharisha shule kuhusu mlipuko wa ugonjwa wa matumbwitumbwi
Originally published by Taifa Leo — Read the original article →
SERIKALI ya Kaunti ya Nairobi imetoa tahadhari kuhusu uwezekano wa mlipuko wa ugonjwa wa matumbwitumbwi katika shule, huku wazazi wakishauriwa kuwaweka nyumbani watoto wanaoonyesha dalili za ugonjwa huo hadi watakapopona kabisa.
Kulingana na Kituo cha Kudhibiti na Kuzuia Magonjwa cha Amerika (CDC), dalili za kawaida za ugonjwa huu ni pamoja na kuvimba kwa taya kunakosababisha maumivu, homa, uchovu, kupoteza hamu ya kula na maumivu ya kichwa.
